Ukraina zajaviła pra źniščeńnie rasijskaha Su-34 na aeradromie ŭ Rastoŭskaj vobłaści
HUR Ukrainy raskazała pra ataku na aeradrom u Marozaŭsku 3 žniŭnia.
Hałoŭnaje ŭpraŭleńnie raźviedki Minabarony Ukrainy paviedamiła pra źniščeńnie rasijskaha zvyšhukavoha źniščalnika-bambardziroŭščyka Su-34 na aeradromie Marozaŭsk u Rastoŭskaj vobłaści. Udar pa aeradromie Ukraina naniesła 3 žniŭnia.
Pavodle źviestak aeraraźviedki, jašče dva samaloty hetaha ž typu atrymali paškodžańni. Akramia taho, całkam źniščany skład avijacyjnaha ŭzbrajeńnia — ad druhasnaj detanacyi rasijskich bojeprypasaŭ na terytoryi aeradroma i vakoł jaho bačnyja vialikija płoščy vypalenaj ziamli.
Aeradrom u Marozaŭsku znachodzicca za 265 kiłamietraŭ ad linii frontu.
3 žniŭnia razam z vajskovym aeradromam USU atakavali niekalki naftabaz i abjektaŭ zachoŭvańnia haruča-zmazačnych materyjałaŭ rasijskich vojskaŭ u Biełharodskaj, Kurskaj i Rastoŭskaj abłaściach.
Rasiejskaje Minabarony nie kamientuje ŭkrainski ŭdar pa avijabazie. Ułady Rastoŭskaj vobłaści paviedamlali, što 3 žniŭnia Kamienski i Marozaŭski rajony atakavali 55 ukrainskich bieśpiłotnikaŭ.
Ciapier čytajuć
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary