U Hłuškoŭskim rajonie Kurskaj vobłaści źnikła pantonnaja pieraprava praz raku Siejm
Jana była pabudavanaja vajskoŭcami RF zamiest razburanych mastoŭ.
U Hłuškoŭskim rajonie Kurskaj vobłaści źnikła pantonnaja pieraprava praz raku Siejm, pabudavanaja vajskoŭcami RF zamiest razburanych mastoŭ, piša Radyjo Svaboda.
Pieraprava znachodziłasia pamiž siołami Klikava i Hłuškova. Na zdymkach, zroblenych 19 žniŭnia sistemaj NASA FIRMS, pantonnaha mosta niama, a za 500 mietraŭ ad taho miesca, dzie jon byŭ, padymajecca dym.
Druhaja pantonnaja pieraprava, naviedzienaja vajskoŭcami RF na ŭschod ad vioski Hłuškava, na spadarožnikavych zdymkach pa-raniejšamu bačnaja.
Usie try masty praz raku Siejm u Hłuškoŭskim rajonie Kurskaj vobłaści byli źniščanyja ŭdarami USU za apošnija niekalki dzion. Masty i pantonnyja pierapravy praź Siejm majuć važnaje značeńnie dla łahistyki rasijskich vajskoŭcaŭ u hetym rajonie.
Kamientary