U Minsku pačalisia prodažy novaha premijalnaha elektryčnaha krasoviera
U Minsku pačalisia prodažy novaha premijalnaha elektryčnaha krasoviera AVATR 07L. Heta samaja vialikaja i mahutnaja madel u liniejcy krasovieraŭ kitajskaha brenda AVATR. Aŭtamabil budzie dastupny ŭ troch kamplektacyjach, a ceny pačynajucca ad 144,1 tysiačy rubloŭ, piša Office Life.
Brend AVATR naležyć kitajskaj kampanii Changan, jakaja ŭvachodzić u lik najbujniejšych aŭtavytvorcaŭ Kitaja i pradaje kala troch miljonaŭ mašyn štohod. Aficyjnyja prodažy aŭtamabilaŭ hetaj marki ŭ Biełarusi pačalisia ŭ 2025 hodzie. Ciapier u Minsku pracujuć dva aŭtacentry AVATR.
Novy AVATR 07L — heta padoŭžanaja viersija standartnaha krasoviera AVATR 07, aryjentavanaja na siamiejnych kupcoŭ, jakim patrebnyja prastorny sałon i pavyšany kamfort. Daŭžynia aŭtamabila składaje 4910 mm, šyrynia — 1980 mm, vyšynia — 1700 mm. Kołavaja baza dasiahaje 2990 mm.
U najbolš mahutnaj viersii elektramabil abstalavany tryma ruchavikami sumarnaj mahutnaściu 968 konskich sił. Jomistaść akumulatara vytvorčaści CATL składaje 89,33 kVt·h. Pavodle kitajskaha standartu, zapas chodu moža dasiahać 725 km.
Aŭtamabil pabudavany na 800‑voltavaj płatformie, jakaja dazvalaje vykarystoŭvać chutkuju zaradku. Siarod technałahičnych asablivaściaŭ — sistema dapamohi kiroŭcu ź lidaram Huawei na 896 linij. Vytvorca taksama robić akcent na kamforcie sałona i jaho abstalavańni.
Košt viersii z dvuma ruchavikami sumarnaj mahutnaściu 415 konskich sił pačynajecca ad 144,1 tysiačy rubloŭ. Najbolš mahutnaja trochmatornaja madyfikacyja kaštuje ad 167,6 tysiačy rubloŭ. Dla kupcoŭ praduhledžanaja kredytnaja prahrama terminam da dziesiaci hadoŭ ź ilhotnym pieryjadam.
Kolki ŭ Biełarusi naličvajecca elektramabilaŭ?
Pradaviec kitajskich elektramabilaŭ, jaki budavaŭ maštabnyja płany, abviaściŭ ab bankructvie
U heta składana pavieryć, ale niekatoryja aŭto ŭ Biełarusi kaštujuć našmat tańniej, čym u Jeŭropie. Jak takoje mahčyma?
Upieršyniu prodažy bienzinavych aŭto ŭ śviecie ŭpali nižej za 50%
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju88
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju8
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary