SK raskazaŭ padrabiaznaści letašniaha traŭmavańnia piaci rabočych «Biełaruśkalija»
Pa danych śledstva, dniom 3 listapada 2023 hoda na terytoryi 2-ha rudaŭpraŭleńnia padčas spusku ŭ šachtu byli traŭmavanyja 5 rabotnikaŭ «Biełaruśkalija». Pavodle SK, trahiedyja adbyłasia praź pieravyšeńnie słužbovych paŭnamoctvaŭ 44-hadovym dziažurnym majstram.
Dniom 3 listapada 2023 hoda pry apuskańni kleci ź ludźmi ŭ šachtu, adbyłosia jaje spynieńnie — błakiroŭka aŭtamatyčnym tormazam. Pierazapuścić miechanizm u mašynista nie atrymlivałasia, pra što rabotnik paviedamiŭ dziažurnamu majstru.
Majstar učastku, «paspadziavaŭšysia na svoj žyćciovy dośvied i viedy pa pracy padjomnaj mašyny», vyrašyŭ samastojna i chutka vyzvalić pracaŭnikoŭ z kleci.
«Śpiecyjalist, karystajučysia svaim stanoviščam kiraŭnika, asabista daŭ ukazańnie elektraślesaru i mašynistu, jakija znachodzilisia ŭ zaležnym ad jaho słužbovym stanoviščy, adklučyć sistemy biaśpiečnaha tarmažeńnia i ŭtrymańnia padjomnaj mašyny, jak rabočaha (aŭtamatyčnaha), tak i ručnoha (avaryjnaha), z metaj apuskańnia miechanizmu pad ułasnaj vahoj», — piša SK.
Dalejšy praces akazaŭsia niepradkazalnym. Za ličanyja siekundy adbyłosia volnaje padzieńnie kleci z pavieličeńniem chutkaści ad 0,0 m/s da 9,3 m/s, razam z pracaŭnikami ŭ joj.
U vyniku padzieńnia kleci troje rabotnikaŭ atrymali ciažkija traŭmy, źviazanyja z parušeńniem aporna-ruchalnaha aparata, dvoje — anałahičnyja paškodžańni, jakija adnosiacca da katehoryi mienš ciažkich.
Arhanizacyi naniesieny ŭron u sumie amal 46 tysiač rubloŭ, što źjaŭlajecca asabliva bujnym pamieram.
Dziejańni 44-hadovaha žychara Salihorska kvalifikavany śledčym upraŭleńniem USK pa Minskaj vobłaści pa č.3 art. 426 (naŭmysnaje ździajśnieńnie słužbovaj asobaj dziejańniaŭ, jakija vidavočna vychodziać za miežy pravoŭ i paŭnamoctvaŭ, pradastaŭlenych joj pa słužbie, što paciahnuła pryčynieńnie škody ŭ bujnym pamiery, istotnaj škody pravam i zakonnym intaresam hramadzian, dziaržaŭnym i hramadskim intaresam (pieravyšeńnie słužbovych paŭnamoctvaŭ), ździejśnienaje ź inšaj asabistaj zacikaŭlenaści, jakija pryviali da ciažkich nastupstvaŭ.
Kryminalnaja sprava pieradadziena prakuroru dla nakiravańnia ŭ sud.
Ciapier čytajuć
U minskim handlovym centry Palazzo sabrałasia daŭžeznaja čarha. Pa darmovych miadźviedzikaŭ!8
Kamientary