Jany ŭdvaich zajšli ŭ kabiniet sudździ i začynili za saboj dźviery, paśla čaho pačulisia streły.
U amierykanskim štacie Kientuki šeryf adnoj z akruhaŭ zastreliŭ akruhovaha sudździu prosta ŭ budynku suda, piša Bi-bi-si.
Palicyja štata Kientuki abviaściła, što ŭ budynku suda akruhi Letčer u čaćvier niekalkimi strełami byŭ zabity akruhovy sudździa Kievin Malins, paśla čaho na miescy złačynstva biez supracivu byŭ zatrymany šeryf akruhi Šon Stajns.
43-hadovamu Stajnsu vystaŭlenaje abvinavačvańnie ŭ zabojstvie.
Palicyja štata zajaviła, što 54-hadovy sudździa Malins byŭ zastreleny padčas sprečki, ale pakul nie patłumačyła, pra što była sprečka i jakija mahli być matyvy strałka.
Złačynstva adbyłosia kala dvuch hadzin dnia pa miascovym časie ŭ horadzie Uajtśbierh.
Jak piša miascovaja hazieta Mountain Eagle, šeryf Stajns pryjšoŭ u pryjomnuju sudździ i skazaŭ słužačym suda, što jamu treba pahavaryć z sudździoj Malinsam sam-nasam.
Pavodle źviestak haziety, šeryf Stajns vyjšaŭ u faje suda z padniatymi rukami i zdaŭsia palicyi.
U budynku suda ŭ momant stralaniny było kala 50 čałaviek, nichto ź ich nie paciarpieŭ.
Hienieralny prakuror štata Raseł Koŭłman zapeŭniŭ u tvicie ŭ sietcy X, što jaho viedamstva staranna rasśleduje hetaje zdareńnie i damožacca pieramohi pravasudździa.
-
«Zaniapad — heta vybar». Marka Rubia ŭ Miunchienie zaklikaŭ Zachad pryznać pamyłki i abnavić suśvietny paradak
-
«Źmiena režymu nieabchodnaja, ale nie tolki tamu, što my chočam być svabodnymi». Reza Piechlevi zaklikaŭ ZŠA nanieści vajenny ŭdar pa iranskim režymie
-
Bieły dom apublikavaŭ valancinku z Hrenłandyjaj
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?5
Kamientary