Minimum čatyry «šachiedy» nočču zajšli ŭ Biełaruś, adzin zalacieŭ z Rasii.
Biełaruski Hajun
Pavodle źviestak ukrainskich manitorynhavych resursaŭ, za minułuju noč u Biełaruś zalacieli nie mienš za 4 drony-kamikadze typu «šachied».
Pieršy ź ich pierasiek miažu ź Biełaruśsiu kala 00:13 u rajonie Lubieča i praz 30 chvilin viarnuŭsia va Ukrainu. Dalej «šachiedy» zachodzili ŭ Biełaruś u 02:29, 03:05 i 03:52, piša «Biełaruski Hajun».
Charakterna, što adzin z dronaŭ zalacieŭ u pavietranuju prastoru Biełarusi nie z Ukrainy, a z RF. Viadoma, što «šachied» ruchaŭsia ŭ napramku Homiela, što ź im było dalej — nieviadoma. Na praciahu nočy ŭ niebie nad paŭdniovym uschodam krainy dziažuryli dva źniščalniki:pieršy padniaŭsia z Baranavičaŭ kala 00:30, a druhi — u 02:50.
Ciapier čytajuć
KDB zapuściŭ novy bot u telehramie dla viarboŭki biełarusaŭ za miažoj. Prapanujuć rasklejvać ulotki, fatahrafavać abjekty i «niešta inšaje»11
Kamientary