Pa «spravie Mačuliščaŭ» šaści zavočnym fihurantam pryznačyli vialikija štrafy
U Minskim haradskim sudzie 3 kastryčnika ŭ zakrytym režymie 12 čałaviekam ahučyli prysud pa hučnaj spravie dyviersii ŭ Mačuliščach: ad dvuch hadoŭ i troch miesiacaŭ da 25 hadoŭ kałonii.
Ciapier stała viadoma, što piaci fihurantam, akramia terminaŭ, taksama pryznačyli štrafy ŭ 1 000 bazavych vieličyniaŭ (40 000 rubloŭ), a Azaravu z ulikam papiaredniaha prysudu — 25 hadoŭ sa štrafam u sumie 440 000 rubloŭ.
Hramadzianinu Ukrainy Mikałaju Šviacu, jaki byŭ vyzvaleny ŭ červieni pa abmienie z Ukrainaj, — 25 hadoŭ kałonii i štraf;
Vitalu Jakuciku — 25 hadoŭ kałonii i štraf;
Michaiłu Dziominu — 15 hadoŭ kałonii i štraf;
Z ulikam papiaredniaha prysudu ad 15 lutaha 2024 hoda Alaksandru Azaravu — 25 hadoŭ i štraf;
Jaŭhienii Tačyckaj — 15 hadoŭ i štraf;
Siarhieju Łaparovu — 15 hadoŭ i štraf;
Ale Jacucie — šeść hadoŭ kałonii.
Dakładnyja terminy piaci fihurantam spravy, jakich sudzili vočna, udakładniajucca.
Kaśpiaroviča pierad hibiellu dapytvali ŭ polskaj kontrraźviedcy — raspytvali pra vizy dla ahientaŭ AAC z pašpartami prykryćcia i pra Bulbu27
Kamientary