«Nas adkinuli ŭ sakavik 2022 hoda». Z-błohiery ŭ šalenstvie ad błakiroŭki Discord
Praz płatformu Discord rasijskija vajskoŭcy rabili tranślacyi z raźviedvalnych i ŭdarnych bieśpiłotnikaŭ, jakija dapamahali zabivać ukraincaŭ. Ciapier płatformu zabłakavaŭ Raskamnahlad. Raskazvajem, što pra heta pišuć rasijskija vajennyja błohiery i čamu rasijanie vykarystoŭvajuć mienavita Discord.
«Na punktach kiravańnia dziasiatkaŭ złučeńniaŭ upali tranślacyi ź bieśpiłotnikaŭ, jakija pracujuć praz zakrytyja pakoi Discord. Takim čynam, usich adkinuli na ŭzrovień sakavika 2022 hoda», — piša Z-kanał «Trojka».
Jašče adzin Z-błohier pad psieŭdanimam Varah piša: «Upali ŭsie strymy z ptušak na štaby. Ciapier zamiest vykanańnia bajavych zadač vajary buduć vynachodzić, jak heta padniać».
Błohier Raman Alochin idzie jašče dalej:
«Rašeńniem zabłakavać u Rasii «Dyskord» čynoŭniki ŭdaryli pa froncie, praz što, chutčej za ŭsio, vyraśli straty siarod našych bajcoŭ i techniki. Im heta pačali tłumačyć usie, ale voś kaniec pracoŭnaha dnia i čas iści dadomu, dy i instrukcyj nijakich nie było…»
Jon kaža, što pierad błakiroŭkaj Discord varta było prydumać, jak jaho zamianić. «Bačyć na krok napierad i ŭmieńnie heta rabić pakazvaje, ci kampietentny kiraŭnik. Kali heta nie spłanavanaja akcyja pa asłableńni našych bajcoŭ i dapamozie našamu praciŭniku (nie chočacca ŭ heta vieryć)».
Skandalnaja kiraŭnica Lihi biaśpiečnaha internetu Kaciaryna Mizulina piša, što Discord vykarystoŭvaŭsia, bo «daje samuju jakasnuju karcinku, bieź piksielaŭ. Niama anijakaha anałaha na hety momant».
Kanał «Vojennyj ośviedomitiel» zaŭvažaje, što Discord na linii frontu dahetul dastupny — praz Starlink. Vyhladaje, ciapier prablema ŭ tym, kab tranślavać videa z dronaŭ dla kamandavańnia pa-za linijaj frontu, jakoje kiruje vojskami «na ziamli».
«Naša Niva» — bastyjon biełaruščyny
PADTRYMAĆCiapier čytajuć
U budynku HUBAZiKa ŭ centry Minska adkryjuć małuju scenu teatra Janki Kupały5
Kamientary
???Starlink Maski u rf ?? I jen ni błakuje na linii frontu??Mask viartajsia " z marsu" na Ziamli jašče jeść spravy..
A Vy aburajecieś " Biełšyna" biełšyna " krevietki ančousy" ..
Toj śpis chaj adnaŭlajuć ukrainskija vajskoŭcy. A rasiejskija terminały stanuć cehłaj.
Nu i dobra.
2. Discord nie vielmi biaśpiečny mesendžar, jaho papiaredni ŭładalnik pradaŭ papiaredni svoj pradukt kitajcam, z usimi piersanalnymi danymi.
Było b pryhoža, kali b ukraincy cicha vykupili Discord i karystalisia. (Abo takija elehantnyja schiemy robiać zaraz tolki izrailcianie?)
Zaraz rasiejskija vojski buduć šukać inšy varyjant, bolš biaśpiečny dla ich, i hetaja mahčymaść źniknie.