U Łuhanskaj vobłaści zahinuŭ jašče adzin biełarus, jaki vajavaŭ za Rasiju
U mai padčas bajoŭ u Łuhanskaj vobłaści zahinuŭ 40-hadovy biełarus Vasil Skavarodnikaŭ, jaki atrymaŭ u lutym rasijskaje hramadzianstva. Pra heta paviedamiŭ kiraŭnik Biarozaŭskaj haradskoj akruhi Śviardłoŭskaj vobłaści Jaŭhienij Piscoŭ na svajoj staroncy ŭ «Adnakłaśnikach», zaŭvažyła «Miedyjazona».
Pavodle infarmacyi Piscova, Skavarodnikavu było 40 hadoŭ. Naradziŭsia jon u Armienii, a ros u Biełarusi. Paśla škoły i armii pracavaŭ majstram pa ramoncie kvater.
Pavodle infarmacyi Belpol, pieradadzienaj «Miedyjazonie», Skavarodnikaŭ byŭ prapisany ŭ vioscy Kamienka Krupskaha rajona. U 2005 hodzie jaho prysudzili da troch hadoŭ kałonii z adterminoŭkaj na dva hady za rabavańnie.
U horadzie Biarozaŭski na Urale ŭ Skavarodnikova žyli svajaki, da jakich jon časta pryjazdžaŭ. Jak vykazaŭsia miascovy čynoŭnik, biełarus «vielmi asabista ŭspryniaŭ» pačatak vajny i «nie zmoh zastavacca ŭbaku».
13 lutaha Vasil Skavarodnikaŭ atrymaŭ rasiejski pašpart i praz try dni pajšoŭ na front. Pa słovach Jaŭhienija Piscova, jon byŭ dvojčy paranieny, a ŭ krasaviku atrymaŭ miedal «Za advahu».
Pachavali mužčynu 20 vieraśnia ŭ horadzie Biarozaŭski Śviardłoŭskaj vobłaści.
Ciapier čytajuć
Na pratestancki fiestyval u «Čyžoŭku-Arenu» jedzie amierykanski prapaviednik Franklin Hrem. Razam ź im čakajuć Koŭła z žonkaj8
Kamientary
Jakim ch.. " krajem" da " biełarus" ???