Prezident Ukrainy Uładzimir Zialenski ŭpieršyniu padaŭ sihnał, što jon hatovy da spynieńnia ahniu pa ciapierašnich linijach frontu. Jak paviedamlaje italjanskaja hazieta Corriere della Sera, u abmien na heta Zialenski patrabuje «harantyj biaśpieki ad Złučanych Štataŭ — pa ŭzory tych, što amierykancy dali Japonii, Paŭdniovaj Karei i Filipinam».
Akramia taho, z Ryma, Paryža i Bierlina — jeŭrapiejskich stalic, jakija Zialenski naviedaje siońnia i zaŭtra — jon spadziajecca atrymać zapeŭnieńni ŭ chutkim ustupleńni Ukrainy ŭ Jeŭrapiejski Sajuz. U pryvatnaści, u Rymie Zialenski maje namier sustrecca z Papam Rymskim, a taksama z premjer-ministarkaj Italii Džordžaj Miełoni, piša Bild.
«U kastryčniku, listapadzie i śniežni ŭ nas jość realny šaniec prasunuć situacyju da miru i tryvałaj stabilnaści. Situacyja na froncie daje mahčymaść dla rašučych dziejańniaŭ, kab skončyć vajnu nie paźniej za 2025 hod», — napisaŭ Zialenski napiaredadni.
Tym nie mienš, u ciapierašni čas vajennyja analityki krytyčna aceńvajuć stanovišča Uzbrojenych sił Ukrainy na froncie na ŭschodzie krainy. Kijeŭ užo daŭno prosić u Zachadu zbroju dalokaha radyusu dziejańnia, ale Džo Bajden, jak i Ołaf Šolc, pa-raniejšamu vahajucca ŭ hetym pytańni, bajučysia dalejšaj eskałacyi.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam10
Kamientary