Premjer-ministr Izraila Bińjamin Nietańjachu zajaviŭ prezidentu ZŠA Džo Bajdenu, što hatovy nanieści ŭdar pa vajskovych abjektach u Iranie, ale nie pa naftavych ci jadziernych. Pra heta paviedamili dźvie infarmavanyja krynicy haziecie The Washington Post.
Pavodle ich, heta adbyłosia padčas telefonnaj razmovy dvuch lidaraŭ na minułym tydni. Da hetaha Bajden admoviŭsia padtrymać udar Izraila pa iranskich jadziernych abjektach u adkaz na masiravany abstreł izrailskaj terytoryi.
U vyniku, jak adznačyŭ adzin sa surazmoŭcaŭ WaPo, Nietańjachu «zaniaŭ bolš pamiarkoŭnuju pazicyju». Jon zapeŭniŭ, što ataka budzie spłanavanaja takim čynam, kab paźbiehnuć upłyvu na vybary prezidenta ZŠA, jakija adbuducca ŭ listapadzie.
Inšaja krynica vydańnia ŭdakładniła, što Armija abarony Izraila (CACHAŁ) źbirajecca nanieści ŭdar pa Iranie da vybaraŭ u ZŠA, to-bok da 5 listapada. U advarotnym vypadku adsutnaść reakcyi Izraila «moža być rascenienaja jak słabaść», dadaŭ jon.
Udar Izraila pa naftavych abjektach Irana moh pryvieści da rezkaha rostu cen na enierhanośbity, a ataka na jadziernyja abjekty krainy spravakavała b dalejšuju eskałacyju i pramoje ŭciahvańnie ZŠA ŭ kanflikt, adznačali analityki. Tamu ŭ Vašynhtonie z palohkaj uspryniali rašeńnie Nietańjachu nanieści ŭdar pa vajskovych abjektach, dadali krynicy WaPo.
Iran nanios masiravany rakietny ŭdar pa Izraili ŭviečary 1 kastryčnika. Pavodle danych CACHAŁ, usiaho było vypuščana bolš za 200 rakiet, bolšaść ź jakich źbili srodkami supraćpavietranaj abarony (SPA). Tehieran nazvaŭ ataku adkazam na hibiel lidara livanskaj hrupoŭki «Chiezbała» Chasana Nasrałły i hienierał-majora KSIR Abasa Niłfaryšana pry ŭdary Izraila pa Biejrucie 27 vieraśnia, piša The Moscow Times.
-
Bienhalskija ahni na šampanskim stali pryčynaj pažaru ŭ bary ŭ Šviejcaryi, dzie zahinuli 40 čałaviek
-
Kirujučaja partyja Hiermanii choča vysyłać siryjcaŭ, jakija biehli ad hramadzianskaj vajny, nazad na radzimu — navat rehularnymi rejsami
-
Jeŭrakamisija pačała rasśledavańnie z-za tyktokaŭ, stvoranych z dapamohaj štučnaha intelektu, jakija zaklikajuć da vychadu Polščy ź ES
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»3
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 202633
Kamientary