Afhanskaja žurnalistka paśla admovy ŭ prytułku ŭ Rasii palacieła ŭ Kabuł. Na radzimie joj pahražaje śmiarotnaje pakarańnie
Afhanskaja žurnalistka i fieministka Kobra Chasani, jakuju zatrymali ŭ Rasii pry sprobie trapić u Jeŭrasajuz, palacieła ŭ Afhanistan 25 červienia. Advakaty dziaŭčyny daviedalisia pra heta ad afhanskaj dyjaspary, piša «Fontanka».
Kobra Chasani pracavała na afhanskim telebačańni da žniŭnia 2021 hoda i zmahałasia za pravy žančyn u krainie. Jana zjechała z Afhanistana nieŭzabavie paśla prychodu da ŭłady talibaŭ i pastupiła ŭ Kijeŭski dziaržaŭny ŭniviersitet, z pačatkam vajny va Ukrainie vyrašyła pierabracca ŭ Jeŭropu.
Adnak aŭtobus, jaki vyvoziŭ uciekačoŭ z Ukrainy, zamiest Polščy pryjechaŭ u Rasiju. Chasani znoŭ pasprabavała patrapić u Jeŭropu, ale pry vyjeździe ź Pieciarburha ŭ traŭni 2022 hoda jaje zatrymali razam ź inšymi afhanskimi biežancami za niezakonnaje pierasiačeńnie miažy.
Atrymać prytułak u Rasii nie ŭdałosia: joj było admoŭlena.
Advakaty i afhanskaja dyjaspara sprabavali dapamahčy joj zjechać u biaśpiečnym kirunku: na radzimie dziaŭčynie pahražaje niebiaśpieka, pakolki jana adkryta vystupała suprać Talibanu, jaki pryjšoŭ da ŭłady ŭ krainie try hady tamu, i viała ład žyćcia, jaki nie adpaviadaje patrabavańniam radykalnych isłamistaŭ. U pryvatnaści, jana atrymała vyšejšuju adukacyju, pracavała na telebačańni, vystupała za pravy žančyn, kiravała ŭłasnym restaranam.
25 červienia, padčas apošniaha pasiedžańnia pa apielacyi na prysud, Chasani vylecieła z Maskvy ŭ Kabuł.
«Varyjantaŭ zjechać było šmat, ad Ałbanii da Niamieččyny. Ale ŭsio patrabavała namahańniaŭ, času, hrošaj», — raspaviała «Fantancy» advakat Maryja Bialajeva.
Raniej advakaty nie raz adznačali, što na radzimie dziaŭčynie moža pahražać śmiarotnaje pakarańnie.
Ciapier čytajuć
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im14
Kamientary
Lanota .