Pa stanie na 31 kastryčnika aficyjna paćvierdžanaja hibiel 158 čałaviek u vyniku adnoj z samych razburalnych pavodak u historyi Ispanii. Hetuju ličbu nazyvaje vydańnie El País sa spasyłku na infarmacyju ŭładaŭ.
Apošnija źviestki pra zahinułych byli apublikavanyja paśla taho, jak u čaćvier ratavalniki vyjavili cieły jašče vaśmi čałaviek, zabłakavanych u zatoplenym haražy.
Najbolš składanaja situacyja z-za štormu Dana skłałasia mienavita ŭ Valensii na poŭdni krainy, dzie achviarami stychii stali ŭžo 155 čałaviek. U pryharadzie Valensii Pajporte z nasielnictvam 25 tysiač čałaviek zahinuli 40 žycharoŭ. Ułady rekamiendavali žycharam paciarpiełych rehijonaŭ nie pakidać damy. U rehijonie da hetaha času nie admienieny čyrvony ŭzrovień niebiaśpieki.
Pa adnym čałavieku zahinuli ŭ Kastylii-Ła-Manča i Andałusii, a miesca hibieli jašče adnaho čałavieka nie ŭdakładniajecca.
Z-za razbureńniaŭ i vielizarnaj kolkaści kinutaj techniki ŭ Ispanii pa-raniejšamu zakryta kala 150 daroh. Na ich rasčystku mabilizavanyja vałanciory i vajskoŭcy.
Štorm abrynuŭsia na Ispaniju, a pieradusim na Valensiju, uviečary 29 kastryčnika. Raniej miascovyja ŭłady paviedamlali pra 72 zahinułych.
Ciapier čytajuć
«Nabližajecca momant pierałomu situacyi». Vadzim Kabančuk pra płan dla biełarusaŭ18
«Nabližajecca momant pierałomu situacyi». Vadzim Kabančuk pra płan dla biełarusaŭ
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja1717
Kamientary