U Ispanii mocnyja daždžy pryviali da pavodki. Zahinuli bolš za 50 čałaviek
Pa danych ispanskich mietearołahaŭ, usiaho za vosiem hadzin u Valensii vypała 491 mm apadkaŭ, što adpaviadaje pryblizna hadavoj normie.
U vyniku pavodki, vyklikanaj liŭnievymi daždžami ŭ ispanskim rehijonie Valensija, zahinuli prynamsi 51 čałaviek, paviedamili miascovyja ŭłady, piša Bi-bi-si.
Kiraŭnik rehijanalnaha ŭrada Karłas Mazon zajaviŭ, što vyratavalnaja apieracyja ŭ paciarpiełych rajonach praciahvajecca, i pakul niemahčyma ŭstanavić dakładnuju kolkaść zahinułych.
U sacyjalnych sietkach źjavilisia kadry, na jakich vidać, jak patoki vady zmyvajuć masty i aŭtamabili. Na niekatorych videa ludzi ŭźbirajucca na drevy, kab vyratavacca ad pavodki.
Mocnyja zalevy prajšli na ŭschodzie i poŭdni Ispanii, u vyniku čaho mnohija rajony akazalisia zatoplenymi, taksama było parušana čyhunačnaje i avijazłučeńnie. Niekatoryja avijarejsy, jakija pavinny byli pryziamlicca ŭ Valensii, admienieny abo pieranakiravany ŭ inšyja rehijony. U hetym ispanskim rehijonie taksama całkam spyniena čyhunačnaje złučeńnie.
Pa danych ispanskich mietearołahaŭ, usiaho za vosiem hadzin u Valensii vypała 491 mm apadkaŭ, što adpaviadaje pryblizna hadavoj normie. Paviedamlajecca, što sotni miascovych žycharoŭ, zabłakavanych u zatoplenych rajonach, telefanujuć u ŚMI, sprabujučy atrymać dapamohu abo infarmacyju pra źnikłych svajakoŭ.
Ratavalnyja słužby vykarystoŭvajuć drony dla pošuku ludziej. Dziasiatki žycharoŭ Valensii ŭsiu noč čakali vyratavalnikaŭ u svaich mašynach, a taksama na dachach i mastach, pišuć miascovyja ŚMI.
«My sutyknulisia ź biesprecedentnaj situacyjaj, jakoj nichto nie pamiataje», — skazaŭ Majezon. Napiaredadni ŭłady paviedamlali, što prynamsi siem čałaviek źnikli bieź viestak u Valensii i paŭdniova-ŭschodniaj pravincyi Albasiete.
Dziaržaŭnaje mietearałahičnaje ahienctva Ispanii AEMET abviaściła pavyšany ŭzrovień niebiaśpieki ŭ Valensii i niekatorych častkach Andałusii. Meryja horada Valensija zajaviła, što zaniatki ŭ škołach i spartyŭnyja mierapryjemstvy buduć admienieny ŭ sieradu, a haradskija parki zastanucca zakrytymi.
Premjer-ministr Ispanii Piedra Sančes zajaviŭ, što z tryvohaj sočyć za paviedamleńniami pra źnikłych ludziej, i zaklikaŭ žycharoŭ paciarpiełych rehijonaŭ «paźbiahać niepatrebnych pajezdak».
Juraś Ziankovič raskazaŭ pra svajo vyzvaleńnie i šlach u ZŠA6
Kamientary