17-hadovy błohier z Homiela vyjhraŭ BMW M4 i vyrašyŭ na hrošy ad jaho kupić kvateru biazdomnaj žančynie
17-hadovy błohier z Homiela Anatol rubakha_go — papularny biełaruski błohier, jaki dapamahaje ludziam u składanych žyćciovych abstavinach. Ciapier jon vyjhraŭ u konkursie rasijskaha błohiera aŭtamabil BMW M4 i vyrašyŭ dapamahčy hieraini svajho błoha Viktoryi.
Rasijski błohier Michaił Litvin pravioŭ konkurs, dzie padpisčyki jaho telehram-kanała vybirali samaje kreatyŭnaje videa z enierhietyčnym napojem.
Pieramožcam staŭ Anatol rubakha_go, jaki zdymaŭ konkursny rolik ź biazdomnaj žančynaj Viktoryjaj.
Hledačy, vidavočna, pieražyvali za ich i zrabili ŭsio, kab aŭto dastaŭsia mienavita im.
Paśla pieramohi Anatol paviedamiŭ, što pradaść mašynu, kab kupić svajoj partniorcy pa zdymkach kvateru.
Homielski chłopiec atrymaŭ papularnaść u tyktoku, dziakujučy svajoj dabryni, biaskryŭdnaści, vietlivaści i praz dapamohu ludziam u składanaj situacyi. U jaho — bolš za 500 tysiač padpisčykaŭ.
Rasijski błohier Michaił Litvin napisaŭ, što «chłopiec prosta mužčyna, pakolki vyrašyŭ kupić hetaj damie kvateru». «Cisnu ruku», — dadaŭ Litvin.
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj93
Kamientary