Na kampaniju Łukašenki ŭžo pieraličyli bolš za 400 tysiač rubloŭ. U spojleraŭ hrošaj niama
CVK padzialiŭsia źviestkami ab pamierach vybarčych fondaŭ udzielnikaŭ vybaraŭ.
Pavodle źviestak CVK na 13 listapada, u vybarčym fondzie Łukašenki było ŭžo 427 tysiač 240 rubloŭ. Pry hetym jaho inicyjatyŭnaja hrupa vydatkavała ź ich 13 tysiač 221 rubiel.
Krynicy pastupleńnia srodkaŭ na rachunak u dakumiencie nie raskryvajucca. Viadoma tolki, što sam kandydat nie moža ŭnosić u fond bolš za 400 tysiač rubloŭ asabistych srodkaŭ. Adna jurydyčnaja asoba nie moža achviaravać bolš za 2400 rubloŭ, a adzin hramadzianin — bolš za 1200 rubloŭ.
U astatnich, padkantrolnych uładam, pretendentaŭ srodkaŭ albo vielmi mała, albo naohuł niama. Druhi pa pamiery fond sabrała Volha Čamadanava — 2400 rubloŭ. Vydatkavać jana ničoha nie paśpieła i źniałasia z vybaraŭ.
Na vybarčym rachunku Aleha Hajdukieviča 200 rubloŭ, ź ich užo vydatkavali 140 rubloŭ 88 kapiejek. U Siarhieja Syrankova, Alaksandra Chižniaka i Hanny Kanapackaj hrošaj na rachunku jašče pazaŭčora nie było. Nie było ich i ŭ Siarhieja Bobrykava, jaki taksama ŭžo zaviaršyŭ kampaniju.
Vybarčaja kampanija ŭ Biełarusi prachodzić va ŭmovach masavych represij. U takich abstavinach luboje inšadumstva moža być pakarana, a tamu vybary nielha ličyć svabodnymi. Papiarednija vybary supravadžalisia falsifikacyjami.
Zakanadaŭstva ŭstanaŭlivaje abmiežavańni na farmiravańnia vybarčaha fondu. Pretendentam zabaroniena atrymlivać achviaravańni ad zamiežnych dziaržaŭ i arhanizacyj, zamiežnych hramadzian i asob biez hramadzianstva, arhanizacyj, zasnavalnikami, udzielnikami abo ŭłaśnikami majomaści jakich źjaŭlajucca zamiežnyja dziaržavy, arhanizacyi, mižnarodnyja arhanizacyi, a taksama zamiežnyja hramadzianie abo asoby biez hramadzianstva.
Taksama nielha atrymlivać hrošy na vybary ad arhanizacyj, jakija atrymlivali dapamohu z-za miažy, u tym liku ad biełarusaŭ, jakija žyli za miažoj bolš za paŭhoda za apošni hod.
Nielha finansavać vybarčyja kampanii dziaržorhanam, relihijnym i dabračynnym arhanizacyjam, arhanizacyjam, jakija finansujucca ź biudžetu, firmam, jakija byli zasnavany mienš čym za hod da achviaravańni, a taksama niepaŭnaletnim hramadzianam i ananimnym achviaradaŭcam.
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj33
Kamientary
Amal što ŭsie dziaržsłužboŭcy i biudžetniki, zaniatyja ŭ vybarčaj kampanii Łukašenki vyklučna ŭ pracoŭny čas i z vykarystańniem dziaržaŭnaj albo finansujemaj ź biudžetu infrastruktury.