Ukraincaŭ spytali: pieramovy z mahčymaj strataj terytoryj ci vajna da pieramohi? Vyniki śviežaha apytańnia
Paśla bolš čym dvuch hadoŭ kanfliktu ŭkraincy ŭsio bolš stamlajucca ad vajny z Rasijaj.
Pavodle apošnich apytańniaŭ Gallup va Ukrainie, praviedzienych u žniŭni i kastryčniku 2024 hoda, u siarednim 52% ukraincaŭ chacieli b, kab ich kraina jak maha chutčej damoviłasia ab spynieńni vajny.
Amal 38% ličać, što Ukraina pavinna praciahvać vajavać da pieramohi.
U instytucie Gallup adznačajuć, što ciapierašniaja situacyja kardynalna adroźnivajecca ad 2022 hoda, kali apytańnie, praviedzienaje praź niekalki miesiacaŭ paśla pačatku poŭnamaštabnaha ŭvarvańnia Rasii, pakazała, što ŭkraincy nastrojeny rašuča:
73% addavali pieravahu baraćbie da pieramohi.
U 2023 hodzie padtrymka bajavych dziejańniaŭ da samaj pieramohi źniziłasia, ale 63% ukraincaŭ vykazalisia za praciah baraćby, a za mir šlacham pieramoŭ — 27%.
Stomlenaść uzmacniłasia ŭ hetym hodzie, i padtrymka najchutčejšaha pierachodu da miru praź pieramovy vyrasła da 52%, upieršyniu dasiahnuŭšy bolšaści.
Značnaja častka siarod tych, chto vystupaje za najchutčejšaje zaviaršeńnie vajny, ličyć, što Ukraina pavinna być hatova sastupić častku terytoryi ŭ abmien na mir.
«Bolš za pałovu hetaj hrupy (52%) zhodnyja z tym, što Ukraina pavinna być adkrytaj da peŭnych terytaryjalnych sastupak jak častki mirnaha pahadnieńnia dla spynieńnia vajny, tady jak 38% nie zhodnyja z hetym, a jašče 10% nie viedajuć. Gallup nie staviŭ bolš detalovych pytańniaŭ ab uzroŭni terytaryjalnych ustupak, na jakija byli b hatovy pajści ludzi», — havorycca ŭ paviedamleńni Gallup.
Ciapier čytajuć
Łatuška: U Piatkievič treślisia ruki, hałava, jana tupała, kryčała: «Vy nasadžajecie nacyjanalizm»23
Kamientary
heta tyja chto choča addać terytoryi
prykładna jak jabaciak u rb
krychu bolš čym sieparaŭ ŭ Adesie ci Charkavie
ničoha novaha ŭ hetych rezultatach nie baču