Pasoł Ukrainy ŭ Turcyi raskazaŭ, jak Erdahan vyratavaŭ ad rasijskaha zachopu Adesu i Mikałajeŭ
Zakryćcio Turcyjaj pralivaŭ Basfor i Dardaneły z pačatkam šyrokamaštabnaha ŭvarvańnia Rasii va Ukrainu nie dazvoliła rasijanam vykarystać svaju pieravahu na mory dla zachopu Adesy, Mikałajeva i inšych terytoryj. Pra heta zajaviŭ ambasadar Ukrainy ŭ Turcyi Vasil Bodnar «Ukrinformu».
«Adnym z klučavych etapaŭ abarony Ukrainy stała pierakryćcio Turcyjaj pralivaŭ Basfor i Dardaneły. Adnu «Maskvu» my patapili, a ŭ Mižziemnym mory čakali jašče dva ruskich krejsiery. I toje, što Tureččyna zakryła pralivy, ja liču, pieraškodziła Rasii vykarystać svaju pieravahu na mory dla zachopu Adesy, Mikałajeva i inšych terytoryj, jakija, pavodle płanaŭ Maskvy, pavinny byli być akupavanyja ŭ vyniku apieracyjaŭ z mora», — skazaŭ pasoł.
Dypłamat taksama nahadaŭ, što Turcyja stała surjoznym transpartnym vuzłom dla Ukrainy. Ciapier dla ŭkrainskich pieravozčykaŭ dziejničaje transpartny biaźviz.
Kamientary