Piaskoŭ pra płan Erdahana: Varyjant zamarozki pa linii frontu apryjory nieprymalny dla Rasii
Pres-sakratar Uładzimira Pucina prakamientavaŭ mirny płan Erdahana, pra jaki napisali ŚMI.
Dźmitryj Piaskoŭ zajaviŭ, što prezident Turcyi nie abmiarkoŭvaŭ svoj płan z Pucinym. Bolš za toje, pa słovach Piaskova, varyjant zamarozki kanfliktu pa linii sudakranańnia Kreml nie zadavalniaje, piša TASS.
«Niejki varyjant «zamarozki» pa linii bajavoha sutyknieńnia, viadoma, jon apryjory nieprymalny dla rasijskaha boku. U dadzienym vypadku červieńskija sfarmulavanyja ŭmovy prezidentam Pucinym, jany całkam zachoŭvajuć svaju aktualnaść. Heta toje, što treba zrabić, dla taho kab bajavyja dziejańni byli spynienyja», — zajaviŭ Piaskoŭ.
Padrabiaznaści mirnaha płana Erdahana, jaki jon źbirajecca pradstavić na samicie G20, apublikavaŭ Bloomberg. Jon praduhledžvaje zamarozku kanfliktu pa ciapierašniaj linii bajavoha sudakranańnia, stvareńnie demilitaryzavanaj zony va ŭschodnim Danbasie z prysutnaściu mižnarodnych sił biaśpieki.
Akramia taho, Erdahan prapanuje adkłaści pytańnie ab ustupleńni Ukrainy ŭ NATO minimum na 10 hadoŭ jak sastupku Rasii.
Pucin raniej nazyvaŭ svaje ŭmovy pieramirja. Heta vyvad ukrainskich vojskaŭ z aneksavanych Rasijaj abłaściej, admova Ukrainy ad ustupleńnia ŭ NATO, jaje niejtralny i biaźjadzierny status, a taksama źniaćcie ŭsich antyrasijskich sankcyj.
Ciapier čytajuć
Analityk Hienštaba, jaki malavaŭ kartu «adkul rychtavałasia napadzieńnie», apynuŭsia ŭ SIZA KDB za pracu na ŭkrainskuju raźviedku10
Kamientary