Vialikabrytanija ŭviadzie šyrokamaštabnyja sankcyi suprać «cieniavoha fłotu» Rasii
Kiraŭnik brytanskaha MZS Devid Łemi padkreśliŭ, što havorka idzie pra samy vialiki pakiet mieraŭ suprać sudnaŭ, jakija vykarystoŭvajucca dla abychodu sankcyj u dačynieńni da rasiejskaj nafty. U sankcyjnym śpisie — 30 sudnaŭ.
Devid Łemi, zajaŭlajučy pra ŭviadzieńnie sankcyj, taksama zaklikaŭ sajuźnikaŭ pa «Vialikaj siamiorcy» akazać Ukrainie padtrymku — u pryvatnaści, u śfiery vajskovych pastavak — u toj miery, u jakoj heta nieabchodna.
Vialikabrytanija i inšyja zachodnija krainy imknucca maksimalna ŭzmacnić pazicyi Ukrainy napiaredadni zimy. Pierad adkryćciom narady ministraŭ zamiežnych spraŭ krain G7 u Italii Łemi vykazaŭ upeŭnienaść u tym, što Kijeŭ atrymaje «srodki, vajskovuju techniku i ryštunak, kab pieražyć 2025 hod».
Vialikabrytanija kanstatuje, što Uładzimir Pucin nie prajaviŭ «nijakich prykmiet žadańnia vieści pieramovy» ab spynieńni vajny z Ukrainaj, adznačyŭ brytanski ministr.
Vystupajučy pierad žurnalistami, Łemi zajaviŭ, što miery, anansavanyja Łondanam, ujaŭlajuć saboj samy vialiki pakiet sankcyj suprać rasijskaha cieniavoha fłotu — karabloŭ, jakija, jak padkreślivaje Vialikabrytanija, vykarystoŭvajucca dla abychodu ŭviedzienych krainami Zachadu abmiežavańniaŭ u dačynieńni da rasiejskaj nafty.
MZS Vialikabrytanii rastłumačyŭ, što sudny, uniesienyja ŭ sankcyjny śpis, u minułym hodzie pieravieźli naftu i naftapradukty na miljardy funtaŭ sterlinhaŭ i što dziakujučy novym mieram kolkaść naftavych tankieraŭ, jakija znachodziacca pad sankcyjami Vialikabrytanii, składzie 73.
U sankcyjny śpis uvajšli tankiery «Biełharad», «Brack», «Krasnajarsk», «Kiemierava», «Kałomna», «Anatolij Kałodkin», «Hieorhij Masłaŭ», «Viktar Bakajeŭ», «Antarktyka» i inšyja.
Vialikabrytanija taksama zajaviła, što pad sankcyi trapili dźvie rasijskija strachavyja kampanii, «AlfaStrachovanije» i VSK, jakija absłuhoŭvajuć hety fłot.
Rasija z sakavika pastaviła Paŭnočnaj Karei miljon barelaŭ nafty — heta ŭ 10 razoŭ bolš, čym aficyjna letaś
Šviecyja anansavała embarha na pastaŭki rasijskaha zvadkavanaha pryrodnaha hazu i sankcyi suprać naftavych tankieraŭ
Najbujniejšy NPZ Indyi admoviŭsia prymać rasijskija tankiery
Rasija pieravodzić svoj naftavy fłot pad ściah Habona
Ciapier čytajuć
Łukašenka: Što tvorycca ŭ krainie, u nas usie hetuju huś kruciać31
Łukašenka: Što tvorycca ŭ krainie, u nas usie hetuju huś kruciać
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2323
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna23
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha14
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5858
Kamientary