Padazravany ŭ arhanizacyi napadu na paplečnika Navalnaha atrymaŭ prytułak u Polščy na padstavie lista ad «Chartyi 97»
Rasijski juryst Anatol Blinoŭ, jaki znachodzicca ŭ Polščy pad aryštam pa spravie ab arhanizacyi napadaŭ na paplečnika Alaksieja Navalnaha Leanida Vołkava i inšych rasijskich apazicyjanieraŭ, u 2023 hodzie atrymaŭ tam palityčny prytułak. Heta vynikaje ź pierapiski Blinova i biznesmiena Leanida Nieŭźlina, jakuju vyvučyła «Miediazona». U hetaj spravie, jak akazałasia, jość i biełaruski śled.
Advakat Bahamił Zyhmunt paćvierdziŭ žurnalistcy izrailskaha vydańnia Haaretz Lizie Razoŭski, što Blinoŭ atrymaŭ status uciekača ŭ pačatku vieraśnia 2023-ha.
Pavodle jahonych słoŭ, padstavaj dla hetaha stali dva danaty na karyść zasnavanaha Navalnym Fonda baraćby z karupcyjaj (FBK) i list ad biełaruskaha vydańnia «Chartyja 97».
Zyhmunt paviedamiŭ, što ŭ červieni 2023 hoda Blinoŭ pieravioŭ FBK 10 tysiač dalaraŭ. Leanid Vołkaŭ skazaŭ «Miediazonie», što FBK było viadoma pra hetyja pieravody, pakolki ŭ vypadku achviaravańniaŭ na sumy ad 5 tysiač dalaraŭ fond abaviazany dasyłać adpraŭniku asobny list dla padatkovaj słužby. Infarmacyju pra danaty Blinova, ź jahonych słoŭ, pieradali polskamu śledstvu razam ź pierapiskami.
Atrymańnie prytułku ŭ Polščy abmiarkoŭvałasia ŭ pierapiscy Blinova ź Nieŭźlinym, na asnovie jakoj FBK apublikavaŭ svajo rasśledavańnie pra napad na Vołkava.
«Miediazona» vyvučyła hety archiŭ pierapiski, a materyjał ź jaho analizam abiacaje apublikavać 27 listapada.
Nahadajem, što 12 vieraśnia FBK vypuściŭ rasśledavańnie, što były saŭładalnik kampanii JUKOS Leanid Nieŭźlin zakazaŭ zamach na paplečnika Alaksieja Navalnaha Leanida Vołkava ŭ sakaviku 2024 hoda. Zhodna z rasśledavańniem, Nieŭźlin daručyŭ arhanizavać napad Anatolu Blinovu.
Nieŭźlin u adkaz na rasśledavańnie zajaviŭ, što jašče 5 žniŭnia nakiravaŭ zajavu ŭ litoŭskuju palicyju. Sutnaść zajavy zaklučajecca ŭ tym, što juryst Blinoŭ «pravakacyjna sprabavaŭ stvaryć uražańnie», što za napadam na Vołkava staić Nieŭźlin. Praŭdzivaść apublikavanych FBK pierapisak Nieŭźlin nie asprečvaŭ i paćvierdziŭ znajomstva z saŭdzielnikam napadu.
Abvinavačanyja ŭ napadzie na Leanida Vołkava mohuć vyjści pad zakład
Da arhanizacyi napadu na Vołkava datyčny były palicyjant z Łatvii. Ciapier jon uciok u Rasiju
Stała viadoma, u čym padazrajuć biełarusa, zatrymanaha za napad na rasijskaha apazicyjaniera Vołkava
«Nieŭźlinhiejt»: litoŭski palitołah znajšoŭ ahulnaje pamiž napadam na rasijskich apazicyjanieraŭ i pravakacyjami suprać biełarusaŭ
U Polščy aryštavali mierkavanaha arhanizatara napadu na rasijskaha apazicyjaniera Leanida Vołkava
Kaho ź biełaruskaj apazicyi padtrymlivaje rasijski miljanier Nieŭźlin?
Abvinavačany ŭ zamachu na Vołkava miljarder Nieŭźlin źviarnuŭsia ŭ litoŭskuju palicyju
Kamientary