Kaho ź biełaruskaj apazicyi padtrymlivaje rasijski miljanier Nieŭźlin?
«Jość vielmi šmat dastatkova pierakanaŭčych čutak, dokazaŭ i afilacyj, jakija ŭ pryncypie nie chavajucca», — kaža Arciom Šrajbman.
U novym vypusku jutub-kanała Carnegie Politica ekśpiert Bierlinskaha centra Karnehi Arciom Šrajbman vykazaŭ mierkavańnie nakont taho, ź jakimi biełaruskim kołami źviazany rasijski miljarder Leanid Nieŭźlin.
Pa słovach analityka, «jość vielmi šmat dastatkova pierakanaŭčych čutak, dokazaŭ i afilacyj, jakija ŭ pryncypie nie chavajucca», adnosna taho, što Nieŭźlin «sapraŭdy padtrymlivaŭ na niejkim etapie i moža być da hetaha času padtrymlivaje siły, źviazanyja z eks-kandydatam u prezidenty Biełarusi Andrejem Sańnikavym».
Šrajbman zaŭvažaje, što mienavita z Sańnikavym «afilavany dastatkova viadomy apazicyjny partał «Chartyja-97». Jaho jon aceńvaje jak «chiba što samuju radykalnuju ź biełaruskich apazicyjnych krynic».
«Ź ich boku niama nijakaha ŭtojvańnia supracoŭnictva ź Nieŭźlinym. Absalutnaje pierasiačeńnie paradku dnia ŭ biełaruskim pytańni», — zaŭvažaje Šrajbman i dadaje, što «Chartyja-97» i Sota Project, jakuju źviazvajuć ź Nieŭźlinym, ab Biełarusi pišuć u adnym rakursie.
«Heta takaja bieśpierapynnaja krytyka Cichanoŭskaj i jaje sajuźnikaŭ. Heta pazicyja sa sprobaj poŭnaj dyskredytacyi pa ŭsich frantach. Što b ni adbyvałasia, zaŭsiody ŭsio atrybutujecca niedapracoŭkam, pamyłkam, niejkim vydumanym suviaziam z režymam ofisa Cichanoŭskaj i jaje struktur.
Kali vy pahladzicie na vydańnie Sota Project i toje, što jany pišuć pra biełaruski paradak dnia, to tam 90% tekstaŭ — heta ataki na mejnstrymnyja biełaruskija apazicyjnyja siły», — zaŭvažaje Šrajbman.
Ciapier čytajuć
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia11
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2121
Kamientary
Biez roźnicy dziaržaŭnaje ci pryvatnaje finansavańnie, jakoje časta skryvajecca za inšym pašpartam.