U Vilni prajšła akcyja padtrymki Vasila Vieramiejčyka z udziełam kalinoŭcaŭ
U Vilni 27 listapada prajšła akcyja padtrymki Vasila Vieramiejčyka — byłoha bajca Pałka Kalinoŭskaha i siabra Kaardynacyjnaj rady, jakoha ŭłady Vjetnama dva tydni tamu vydali režymu Łukašenki.
Akcyja prachodziła kala Siejma Litvy i ŭ joj udzielničali kala 100 čałaviek: pradstaŭniki biełaruskaj dyjaspary i demakratyčnych sił Biełarusi.
Arhanizavali akcyju fond «Dapamoha» na čale Natalli Kalehavaj i kłub «Lićviny» pad kiraŭnictvam Siarhieja Šałyhina pry padtrymcy Ofisa Śviatłany Cichanoŭskaj, Kaardynacyjnaj Rady dy inšych biełaruskich arhanizacyj. Sama Cichanoŭskaja znachodzicca ź vizitam u Kanadzie, tamu na akcyi ad Ofisa vystupiŭ Daniił Harkavy, kiraŭnik adździeła źniešnich suviaziaŭ.
Siarod inšych, na joj prysutničała pradstaŭnica pa sacyjalnaj palitycy Abjadnanaha pierachodnaha kabinieta Volha Zazulinskaja, pa anłajn-suviazi da ŭdzielnikaŭ źviarnulisia namieśnik kiraŭnicy APKB Pavieł Łatuška i pradstaŭnik pa abaronie i nacyjanalnaj biaśpiecy Kabinieta Vadzim Kabančuk.
Vystupili padčas akcyi taksama byłyja i ciapierašnija bajcy Pałka Kalinoŭskaha — Alaksandr Kłačko, Rymas «Dzied» Armajcis, siabry Kaardynacyjnaj rady — Stanisłava Hlińnik, Volha Vialička, a taksama inšyja biełaruskija palityki i aktyvisty.
Arhanizatary akcyi ŭ Vilni zaklikali mižnarodnuju supolnaść:
- Źmianić padychody da razhladu spraŭ ab mižnarodnaj abaronie, akcentujučy ŭvahu na indyvidualnym analizie abstavin kožnaha vypadku.
- Razarvać supracoŭnictva ź siłavymi strukturami Respubliki Biełaruś.
- Prypynić dvuchbakovyja damovy ab ekstradycyi i pravavoj dapamozie z Respublikaj Biełaruś.
- Uklučyć Vasila Vieramiejčyka ŭ abmienny fond dla abmienu na pałonnych rasijskich vajskoŭcaŭ. Raniej da hetaha taksama zaklikaŭ połk imia Kastusia Kalinoŭskaha.
Taksama byli ahučanyja nastupnyja patrabavańni da ŭładaŭ Litvy:
- Zabiaśpiečyć, kab vieterany i vajary Uzbrojenych siłaŭ Ukrainy biełaruskaha pachodžańnia nie pryznavalisia pahrozaj i nie vysyłalisia z krainy.
- Stvaryć prazrystyja pracedury dla spraviadlivaha i humannaha padychodu da tych, chto zmahaŭsia za demakratyju i šukaje prytułku ŭ Litvie.
- Zabiaśpiečyć, kab dezynfarmacyja, jakuju raspaŭsiudžvaje rasijskaja prapahanda, nie farmavała litoŭskija rašeńni, jakija mahli b naškodzić baraćbie za supolnyja kaštoŭnaści.
Padčas akcyi biełarusy źbirali podpisy pad zvarotam da litoŭskich uładaŭ u padtrymku Vasila Vieramiejčyka dy inšych biełarusaŭ, a taksama zaklikali padpisać pietycyju ŭ internecie pa spasyłcy.
Vasila Vieramiejčyka pryznali palitviaźniem
Kaardynacyjnaja rada zaklikała Litvu i Ukrainu pamianiać Vieramiejčyka na biełaruskich špijonaŭ
«Kali b jon pajšoŭ pa inšym šlachu, było b pa-inšamu». Kamandzir Pałka Kalinoŭskaha prakamientavaŭ situacyju ź Vieramiejčykam
U Vilni prajšła akcyja salidarnaści z eks-kalinoŭcam Vieramiejčykam, jakoha departavali ŭ Biełaruś FOTA
Biełaruskaja prapahanda pabajałasia pakazać, što Vieramiejčyka vyvozili samalotami «Biełavija» i «Aerafłota»
Spravaj Vasila Vieramiejčyka zacikaviŭsia HUR Ukrainy
Ciapier čytajuć
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch55
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch5
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»1010
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»10
Sumleńnie, kachańnie, koły piekła i halivudski finał. U siamji budaŭnika i biblijatekarki z Pružanskaha rajona Ihara i Julii Łaptanovičaŭ aryštavali spačatku jaho, paśla — jaje, a paśla i babulu33
Kamientary
Ale, dumaju, što Litva i dalej budzie pravodzić tuju ž dyskryminacyjnuju palityku ŭ adnosinach da biełaruskich hramadzianaŭ, jak i raniej. I vy što dumajecie, što vypadkova KDB vyviez Śviatłanu Cichanoŭskuju mienavita ŭ Litvu?
Priedłožienije ozvučiła oficialnyj priedstavitiel MID Rośsii Marija Zacharova na svojej priess-konfieriencii. "Choču obratiť vnimanije: my ostavlajem na riešienije Ukrainy, koho iz rośsijskich vojennosłužaŝich vklučať v obmien", - citirujut jejo ukrainskije ŚMI