Kaardynacyjnaja rada zaklikała Litvu i Ukrainu pamianiać Vieramiejčyka na biełaruskich špijonaŭ
Kaardynacyjnaja rada vystupiła z zajavaju pa situacyi z Vasilom Vieramiejčykam, zatrymanym u Vjetnamie i departavanym u Biełaruś.
Kaardynacyjnaja rada źviartaje ŭvahu, što situacyja Vasila Vieramiejčyka patrabuje asablivaj uvahi.
Paśla ŭdziełu ŭ pratestach 2020 hoda ŭ Biełarusi i pahrozy aryštu jon emihryravaŭ va Ukrainu, dzie ŭstupiŭ u Połk Kalinoŭskaha. U jakaści namieśnika kamandzira bataljona «Vołat» jon udzielničaŭ u bajach na poŭdni i ŭschodzie Ukrainy, byŭ paranieny ŭ Mikałajeŭskaj vobłaści, uznaharodžany miedalom za zasłuhi.
Taksama Vasil źjaŭlajecca suzasnavalnikam Asacyjacyi biełaruskich dobraachvotnikaŭ. U 2024 hodzie jon byŭ abrany ŭ Kaardynacyjnuju radu Biełarusi.
«Pa padstavach, jakija my ličym nieabhruntavanymi, u 2023 hodzie departamient mihracyi Litoŭskaj Respubliki zabaraniŭ Vasilu Vieramiejčyku ŭjezd na terytoryju Jeŭrapiejskaha sajuza. Heta vymusiła jaho šukać prytułak u patejcyjna niebiaśpiečnych krainach», — piša KR.
Kaardynacyjnaja rada źviartajecca da mižnarodnaj supolnaści i pravaabarončych arhanizacyj z zaklikam prykłaści ŭsie namahańni dla abarony žyćcia i pravoŭ Vasila Vieramiejčyka.
Kaardynacyjnaja rada zaklikała:
— urady krainaŭ śvietu spynić supracoŭnictva ź siłavymi strukturami Respubliki Biełaruś, u tym liku prypynić damovy ab ekstradycyi i pravavoj dapamozie;
— pierahledzieć padychody da pradastaŭleńnia mižnarodnaj abarony i humanitarnaha DNŽ biełarusam u Litoŭskaj Respublicy i raspaŭsiudžannaj praktycy pryznańnia biełarusaŭ «pahrozaj dla nacyjanalnaj biaśpieki», akcentujučy ŭvahu na indyvidualnych abstavinach kožnaha vypadku;
– inicyjavać pieramovy z uładami Biełarusi ab mahčymym abmienie Vasila Vieramiejčyka na hramadzian Biełarusi, asudžanych u Litvie i Ukrainie za špijanaž u intaresach Biełarusi.
— urad Ukrainy pryznać Vasila Vieramiejčyka vajennapałonnym i ŭklučyć ŭ abmienny fond.
KR zajaŭlaje ab niedapuščalnaści ekstradycyi palityčnych aktyvistaŭ u Biełaruś, dzie jany padviarhajucca niespraviadlivamu pieraśledu, i zaklikaje demakratyčnuju supolnaść da skaardynavanych dziejańniaŭ u metach abarony Vasila Vieramiejčyka i praduchileńnia novych takich vypadkaŭ.
«Kali b jon pajšoŭ pa inšym šlachu, było b pa-inšamu». Kamandzir Pałka Kalinoŭskaha prakamientavaŭ situacyju ź Vieramiejčykam
Žonka Vieramiejčyka: Paśpieŭ napisać dačce adno słova — departacyja
Departamient dziaržbiaśpieki Litvy: Znachodžańnie Vieramiejčyka na terytoryi krainy ŭjaŭlała pahrozu nacyjanalnaj biaśpiecy
Abjavili zbor na padtrymku Vasila Vieramiejčyka
«Skazaŭ: ja tut ničoha prasić nie budu». Žonka raskazała, jak Vieramiejčyka pryznali pahrozaj u Litvie
Byłoha kalinoŭca, jakoha zatrymali ŭ Vjetnamie, imhnienna vydali śpiecsłužbam Łukašenki FOTA
Kamientary
1. Čamu svajačasova nie damahli čałavieku kali viedali pra biadu (pytańnie da Jehorava, Prakopjeva, Stryžaka inšych chto viedaŭ pra zabarony i departacyju)?
2. Čynoŭniki Litvy navat nie pryznali svajoj pamyłki bolš taho pačali adstojvać svajo pamyłkovaje rešańnie. Jak jany buduć ŭklučać ŭ abmien čałavieka jaki dla ich niabyta "pahroza nacyjanalnaj biaśpieki"? Jakomu ŭ dadatak jany zabaranili i ŭjezd u Eŭraźviaz? Pamyłki svajoj jany nie pryznali.
3. Navošta Ukrainie ŭklučać u śpis abmienu biełarusa jaki vajavaŭ za Ukrainu, maje vajskovyja ŭznaharody i jakomu jana ž zabaraniła ŭjezd va Ukrainu?
4. Jak bačym reakcyju što Stryžaka, što ź Litvy, što ad niekatorych asob va Ukrainie ŭsie jany vinavaciać asabista vajara ŭ jahonaj biadzie i nichto ź ich nie žadaje navat na kroplu padzialić adkaznaść za toje što zdaryłasia.
***
Mnie vielmi baluča ŭsia heta historyja. Vialiki žal. Vielmi chacieŭ by pamylicca i vielmi chacieŭ by pabačyć jaho na svabodzie ŭ volnaj krainie, a nie daviedacca sa ŚMI pra vyniesieny śmiarotny prysud i toje što čałavieka chutka rastralali.
***
Što datyčycca Ukrainy to spadziajusia što HUR praviadzie rasśledavańnie jak Vieramiejčyk trapiŭ pad zabaronu, što heta zabarona budzie admieniena i niejkim cudam HUR ŭdasca vyratavać jaho z kipciuroŭ łukašyzmu.