Tramp pahražaje viarnuć Panamski kanał pad kantrol ZŠA. Panama vyklučaje takuju mahčymaść
ZŠA kantralavali kanał da kanca 1999 hoda, paśla čaho pieradali kiravańnie panamskim uładam u adpaviednaści z pahadnieńniem 1977 hoda.
Donald Tramp paskardziŭsia na zanadta vysokija taryfy za prachod amierykanskich sudoŭ praz Panamski kanał i pryhraziŭ viarnuć jaho pad kantrol ZŠA, piša Bi-bi-si.
«Apłata, jakaja biarecca Panamaj, śmiechatvornaja i vielmi niespraviadlivaja. Hety poŭny hrabiož našaj krainy budzie nieadkładna spynieny», — zajaviŭ abrany prezident na kanfierencyi kansiervataraŭ u Aryzonie.
Da hetaha Tramp napisaŭ u svajoj sacyjalnaj sietcy Truth Social, što Panamski kanał źjaŭlajecca «žyćciova važnym nacyjanalnym aktyvam» ZŠA, a były prezident Džymi Karter «addaŭ jaho za adzin dalar».
ZŠA kantralavali kanał da kanca 1999 hoda, paśla čaho pieradali kiravańnie panamskim uładam u adpaviednaści z pahadnieńniem 1977 hoda.
Kamientujučy zajavy Trampa, prezident Panamy Chase Raul Mulina padkreśliŭ, što kanał naležyć jaho krainie, i hetaje pytańnie nie abmiarkoŭvajecca.
«Kožny kvadratny mietr Panamskaha kanała i prylehłych da jaho terytoryj naležyć Panamie i budzie naležać joj i nadalej, — zajaviŭ jon. — Suvierenitet i niezaležnaść našaj krainy nie mohuć być pradmietam abmierkavańnia».
Pavodle jaho słoŭ, taryfy ŭstaloŭvajucca zychodziačy z rynačnych umoŭ i vydatkaŭ na ekspłuatacyju kanała i absłuhoŭvańnie infrastruktury.
Tramp taksama zajaviŭ, što Panamskim kanałam «pavinna była kiravać vyklučna Panama, a nie Kitaj abo chtości inšy». «My nikoli nie dazvolim, kab jon trapiŭ u čužyja ruki!» — padkreśliŭ respublikaniec.
«Kanał nie znachodzicca ni pad jakim kantrolem, pramym abo ŭskosnym, ni z boku Kitaja, ni z boku Jeŭrasajuza, ni z boku ZŠA abo jakoj-niebudź inšaj dziaržavy», — skazaŭ Mulina.
«Heta my jašče pahladzim», — adkazaŭ na heta Tramp u Truth Social.
Panamski kanał, budaŭnictva jakoha było zavieršana ZŠA ŭ 1914 hodzie, źjaŭlajecca adnym z hałoŭnych sudnachodnych kanałaŭ u śviecie. Štohod praź jaho prachodzić kala 14 tysiač sudoŭ.
U 2020 hodzie jabaćka Amina «aktyŭna hałasavała» za Łukašenku. A ciapier nie razumieje, čamu rodnaja maci na jaje daniesła, a milicyja zatrymała33
Kamientary