Rasija vyvieła karabli svajho Vajskova-marskoha fłotu (VMF) z Čornaha i Azoŭskaha moraŭ, paviedamili VMS Ukrainy. Pa stanie na 06:00 9 studzienia takija sudny ŭ hetych akvatoryjach adsutničali. Pry hetym u Mižziemnym mory praciahvajuć kursiravać siem rasijskich bajavych karabloŭ, dva ź jakich źjaŭlajucca nośbitami kryłatych rakiet «Kalibr».
8 studzienia pres-sakratar VMS Ukrainy Dźmitryj Pleciančuk zajaviŭ, što Rasija kančatkova admoviłasia ad ramontu svajho fłotu ŭ anieksavanym Krymie praz pahrozu strat u vyniku napadaŭ. Jon nahadaŭ, što USU źniščyli mały rakietny karabiel (MRK) «Cykłon» u Sievastopalskaj buchcie, nanieśli dva ŭdary pa padvodnaj łodcy «Rastoŭ-na-Donie» i jašče adzin — pa MRK «Askold» u Kierčy.
«Hetyja prykłady pakazvajuć rasijanam, što vykarystoŭvać Krym dla ramontu sudoŭ niemahčyma ŭ pryncypie», — adznačyŭ Pleciančuk.
Paśla pačatku vajny Ukraina, nie majučy ŭłasnaha fłotu, zdoleła z dapamohaj rakiet i marskich bieśpiłotnikaŭ paškodzić abo źniščyć jak minimum 27 karabloŭ i adnu padłodku VMF Rasii. Z 15 desantnych karabloŭ i kataraŭ, jakija byli ŭ Čornym mory ŭ lutym 2022 hoda, na chadu zastalisia tolki piać. U tym liku USU parazili vialikija desantnyja karabli «Aleniahorski harniak», «Minsk», «Sarataŭ», «Novačarkask» i «Cezar Kunikaŭ». Taksama byŭ źniščany fłahman Čarnamorskaha fłotu — rakietny krejsier «Maskva».
ZŠA vymusili Kitaj zakryć svaje bujnyja porty dla rasijskaha «cieniavoha fłotu»
Rasija vynošvaje płany zachopu krain Bałtyi, častki Finlandyi i Narviehii. NATA źmianiaje płany procidziejańnia joj
Rasijskija vajskovyja karabli pakinuli bazu ŭ siryjskim Tartusie
Elitnaja 155-ja bryhada Cichaakijanskaha fłotu Rasii straciła 80% składu pad Vuhladaram
Ciapier čytajuć
Cichanoŭski — biełarusam: «Kali vy čakali znak, to voś jon». Prajšła pres-kanfierencyja z vyzvalenymi palitviaźniami38
Kamientary
Nasamreč heta dobraja navina, bo nazad praz Basfor hetyja karabli turki ŭžo nie prapuściać, jak dahetul jany nie prapuskali, bo takija ŭmovy, što padčas vajny prachod u Čornaje mora praz Basfor vajenym karablam začynieny.