Łukašenka vykazaŭsia pra zajavy Trampa ab Hrenłandyi i Kanadzie
Alaksandr Łukašenka ličyć, što zajavy Donalda Trampa ab terytaryjalnych pretenzijach ZŠA na Kanadu i Hrenłandyju byli zroblenyja ŭ bolšaj stupieni dla rezanansu ŭ ŚMI. Pra heta jon zajaviŭ padčas naviedvańnia MAZa.
«Tamu ja dumaju, što heta takija fejkavyja zajavy, jakija nikoli nie buduć realizavanyja, — skazaŭ Alaksandr Łukašenka. — Heta ŭsio dla ŚMI — pompa. A zaŭtra vyjdzie, skaža: «Ja jadziernuju bombu na Kanadu skinu, kali jana nie stanie 51-m štatam». Jašče čaho! Zrobić jon heta — nie. Ci «Hrenłandyju zaŭtra zabiaru». Navošta jana tabie? Ty i tak tam prysutničaješ, tvaje ŭzbrojenyja siły. Što chočaš, toje i robiš. Nijakaja Danija (u skład jakoj uvachodzić Hrenłandyja) faktyčna nie kiruje hetaj Hrenłandyjaj», — skazaŭ Łukašenka.
Jon ličyć, što ZŠA pavinny pravodzić takuju palityku, kab na ich «kasavata nie hladzieli ni kanadcy, ni mieksikancy». U hetym płanie jon zhadaŭ jašče adnu prapanovu — pierajmienavać Mieksikanski zaliŭ u Amierykanski.
— Ci pradjaŭlać pretenzii Panamie, što jana nie tak utrymlivaje Panamski kanał. Jany nie tak ceny ŭstaloŭvajuć: kitajcam — adny, amierykancam — inšyja. Ale heta ich ułasnaść. A sam ty (Donald Tramp) pošliny padniać chočaš na 25% dla kanadcaŭ i inšych. Ty ž hetym zrobiš kanadcaŭ žabrakami, — pryvioŭ fakty Alaksandr Łukašenka.
— Hetyja fejki aŭtarytetu krainie nie dadajuć: štat čarhovy budzie Kanada ci Mieksika… Nu tady jakija pretenzii da Rasii? Razumiejecie, jak adrazu ŭsio heta možna prajecyravać. Tamu palityka — heta vielmi surjoznaja sprava. Asabliva dla kiraŭnikoŭ bujnych krain, — dadaŭ Łukašenka.
Kamientary
Na rabotu ustroiłsia?
Dažie u Łukašienki