Jak buduć vyhladać novyja stancyi mietro na ŭčastku ad «Piarespy» da stancyi «Park Družby narodaŭ» FOTA
Zaraz idzie budaŭnictva druhoha ŭčastka treciaj linii mietro. «Minskmietrabud» užo raspačaŭ vynas inžyniernych sietak i budaŭnictva abjezdaŭ, a taksama pakazaŭ rendary, piša sb.by.
Budučyja stancyi «Prafsajuznaja», «Piarespa» i «Kamaroŭskaja» vykanany pa adnoj kanstruktyŭnaj schiemie. Na ŭsich troch stancyjach admovilisia ad raźmiaščeńnia liftavaj šachty ŭ siaredzinie kasavaj zały, jak na raniejšych stancyjach treciaj linii mietro. Zamiest hetaha ŭpieršyniu eskałatary raźmieściacca pa bakach ad leśvicy. Z adnaho boku płatformy budzie dva eskałatary i leśvica pamiž imi, a z druhoha — dva eskałatary i lift.
Indyvidualnaje abličča kožnaj stancyi budzie za košt kalarovaj hamy i padśviatleńnia, a taksama dekaratyŭnych pano na kantavych ścienach. U dyzajnie prasočvajecca matyŭ stychij: ziamli — na «Prafsajuznaj», vady — na «Piareśpie», ahniu — na «Kamaroŭskaj».
«Piarespa» pa zadumcy architektaraŭ pavinna vyklikać u pasažyraŭ asacyjacyi z vadoj, bo kaliści tut praciakała adnajmiennaja raka. Stancyju vykanajuć u sinie-biruzovaj hamie. Centralnuju častku stoli afarbujuć u kobaltavy koler. Na stancyi raźmieścicca śvietłaja dekaratyŭnaja kanstrukcyja — stylistyčna i kampazicyjna jana stanie praciaham hrafičnaha pano na ścianie.
Na «Kamaroŭskaj» asnoŭnym kalarovym akcentam abrany aranžavy. U dyzajnie prahladajucca kaśmičnyja notki — naprykład, śviacilnia na stoli čymści nahadvaje zornaje nieba.
Stancyja «Park Družby narodaŭ» budzie pierasadačnaj. Na etapie jaje budaŭnictva zakładuć pierasadačny vuzieł — jaho zakansiervujuć da pačatku budaŭnictva čaćviortaj linii mietro. Na hetaj stancyi architektary vyrašyli nie afarboŭvać bieton, a pakinuć jaho naturalny koler.
-
Biełarus z prablemami ź psichikaj staŭ u Rasii naminalnym dyrektaram. A jak sprava nakryłasia, zabrali na front — u adzin kaniec
-
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich
-
«Kibierpartyzany» i hrupa Silent Crow zajavili pra ŭzłom Rasstata i atrymańnie danych pra vajennyja straty
Ciapier čytajuć
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich17
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary
(priniaťsia za čto-libo) uziacca (za što) , raspačać (što)