Šarenda-Panasiuk: Volha Majorava ŭ kałonii znachodzicca ŭ łachmanach
Pra kiepski stan žančyny, asudžanaj na 20 hadoŭ pa spravie Aŭtuchoviča, raskazała na pres-kanfierencyi ŭ Vilni Palina Šarenda-Panasiuk.
Palina raskazała, što Volha Majorava znachodzicca ŭ ciažkim stanie, jana ŭniesiena ŭ śpis terarystaŭ, tamu nie moža atrymlivać pieradačy.
«Volha nie moža mycca myłam i šampuniem, vymušanaja apranacca ŭ vydadzienyja ŭ kałonii łachmany», — raskazała Palina Šarenda-Panasiuk.
Aproč taho, Majorava razmaŭlaje ŭ kałonii pa-biełarusku, za što atrymlivaje dadatkovyja kpiny i dyskryminacyju.
Volhu Majoravu zatrymali 4 studzienia 2021 hoda pa spravie Aŭtuchoviča i ŭ kastryčniku 2022 hoda asudzili na 21 hod i 6 miesiacaŭ kałonii.
Žančynie vystavili nastupnyja abvinavačvańni:
- art. 361 — Zakliki da dziejańniaŭ, skiravanych na pryčynieńnie škody nacyjanalnaj biaśpiecy Respubliki Biełaruś
- art. 295 — Niezakonnyja dziejańni ŭ dačynieńni da ahniastrelnaj zbroi, bojeprypasaŭ i vybuchovych rečyvaŭ
- č. 2 art. 285 — Udzieł u złačynnaj arhanizacyi ŭ luboj inšaj formie
- art. 130 — Raspalvańnie varožaści ci varažniečy
- art. 411 — Złosnaje niepadparadkavańnie patrabavańniam administracyi papraŭčaj ustanovy
- č. 1 art. 14 i č. 2 art. 357 — Zamach na zmovu z metaj zachopu dziaržaŭnaj ułady niekanstytucyjnym šlacham
Pakarańnie adbyvaje ŭ kałonii №24 u Rečyckim rajonie, dzie pastajanna atrymlivaje spahnańni.
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho6
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca1010
Kamientary
Heta prosta žach.