Nieabchodnyja hrošy na patreby Paliny Šarendy-Panasiuk sabrali za niekalki hadzin
U piatnicu viečaram na płatformie «Bajsoł» źjaviłasia paviedamleńnie pra zbor na karyść niadaŭna vyzvalenaj praz amal 4 hady źniavoleńnia Paliny Šarendy-Panasiuk.
Palina Šarenda-Panasiuk — hramadskaja aktyvistka z Bresta. Jaje zatrymali 3 studzienia 2021 hoda, a 9 červienia taho samaha hoda asudzili na 2 hady pazbaŭleńnia voli ŭ kałonii va ŭmovach ahulnaha režymu. Jaje abvinavačvali pa art. 364 KK RB (hvałt u dačynieńni da supracoŭnika milicyi), a taksama pa artykułach ab abrazie Łukašenki (art. 368 KK RB) i pradstaŭnika ŭłady (art. 369 KK RB).
Palina vyjšła na volu 1 lutaha 2025 hoda, pravioŭšy bolš za čatyry hady ŭ źniavoleńni.
Za čatyry hady źniavoleńnia Palinu trymali ŭ izalacyi amal 180 dzion, źbivali, adpraŭlali na psichijatryčnuju ekśpiertyzu. Joj nie akazvali miedycynskuju dapamohu, niahledziačy na ciažki stan.
6 lutaha stała viadoma, što Palinie Šarendzie-Panasiuk udałosia vyjechać za miežy Biełarusi, a ŭ čaćvier uviečary jana pryjechała ŭ Vilniu, dzie ŭpieršyniu za apošnija čatyry hady pabačyła muža, dziaciej i siabroŭ.
Ciapier Palinie patrebnaja padtrymka dla adnaŭleńnia — jak fizičnaha, tak i emacyjnaha. Tamu pa prośbie siamji adkryty zbor na 5 tysiač jeŭra.
Vaša dapamoha — heta krok da taho, kab žančyna zmahła spakojna adpačyć, papravić zdaroŭje i viarnucca da narmalnaha žyćcia.
Nieabchodnuju sumu sabrali mienš čym za sutki. Pa stanie na 08:00 ranicy subotu sabrana 5 170 jeŭra z zajaŭlenaj sumy ŭ 5000 jeŭra.
Padtrymać Palinu Šarendu-Panasiuk danatam možna pa spasyłcy.
Ciapier čytajuć
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja71
Kamientary
Nam składana raśpisać sumu pad hetym zboram tak, jak zvyčajna my heta robim pad inšymi našymi tekstami. Sprava ŭ tym, što Palina tolki što ŭpieršyniu za 4 hady pabačyłasia z rodnymi, i my nie možam skurpulozna pytacca ab usich jaje patrebach. Tamu my pastavili standartnuju sumu, jakuju vystaŭlajem u padobnych vypadkach pad inšymi našymi zborami.
Ź luboŭju,
Kamanda zboraŭ BYSOL.
Skrupularny bajsołčyk ci nie?
Akabčyk Maleńki pisaŭ raniej, zdajecca vydalili, što darma mužyk spadaryni Paliny źviarnuŭsia da pasiarednictva biudžetnaha Bajsołu.
Ludzi vielmi vysoka ceniać pakuty spadaryni Paliny i dali b šmat bolej jak 5K, kab davali naŭprost, kab bajsoły nia vyznačyli advolnaje vierchniaje miažy ŭ 5K, dosyć ścipłaje stoli.
Ale biudžetnaj niedaapazycyi nia treba niezaležnyja mocnyja aktary na apazycyjnym poli (Akabčyk Maleńki zaznačaje, što pierakanańni spadaryni Paliny pra demakratyčny sacyjalizm jamu niablizkija), jakim spadarynia Palina stała b, kab ludzi dabraachvotna skinuli ŭmoŭnych sto tysiačaŭ.
Tamu piać - pamyjsia. pryčašysia i, jak nia chočaš na zaru. padłažvajsia pad pseŭdaniezaležnyja hrantavyja śmi. chapaj sens ahiendy i retranśluj za 1,5K na miesiac, lotaj pa płytkasažałkinym i suhačycham, razdavaj całkam pradkazalnyja mejnstrymavyja truizmy dem-sacyjalizmu (jaki, vyznaju. supadaje ŭ pryznačanaje nieapazycyi ź pierakanańniami spadaryni Paliny