U biełaruskich IT-kampanijach adbylisia vialikija skaračeńni. Stali viadomy ličby
Pra kolkaść skaračeńniaŭ u biełaruskich IT-kampanijach za 2022 i 2024 hady raspaviadaje devby.io.
Bujnyja biełaruskija IT-kampanii EPAM, iTechArt, ISsoft i Itransition za niapoŭny 2024 hod skaracili svoj štat u Biełarusi na 10-30%.
Siarod usich IT-kampanij, jakija trapili ŭ śpisy žurnalistaŭ, EPAM zvolniła bolš za ŭsio supracoŭnikaŭ za dzieviać miesiacaŭ minułaha hoda — bolš za 400 čałaviek. Pry hetym naniatych śpiecyjalistaŭ akazałasia amal u dva razy mienš — 244.
iTechArt zvolniła amal 340 čałaviek, ale naniała amal u 10 razoŭ mienš. Usiaho na pačatak kastryčnika ŭ biełaruskim ofisie kampanii pracavała krychu bolš za 1000 śpiecyjalistaŭ.
Pra situacyju ŭ kampanii raniej raspaviadaŭ devby.io adzin z byłych jaje supracoŭnikaŭ:
«Dva z pałovaj hady tamu pačalisia pracesy dyviersifikacyi raspracoŭki (da vajny 95% inžynieraŭ byli z RB). Taksama byŭ prykmietny nachił u bok patańnieńnia supracoŭnikaŭ (čytaj zamienaj tannymi indusami)», — kazaŭ jon.
Bolš za 100 čałaviek zvolnili z ISsoft i Intransition. Pryblizna stolki ž raźvitalisia z IBA IT Park — kampanija skaraciłasia na 10%.
Vialikija skaračeńni adbylisia i ŭ mienšych pa kolkaści supracoŭnikaŭ kampanijach: Melsoft, Intetics i Playtika.
Jašče adna vialikaja chvala zvalnieńniaŭ u biełaruskaj IT-industryi adbyłasia ŭ 2022 hodzie. Tady, jak ličać žurnalisty devby.io, niekatoryja skaračeńni mahli być farmalnymi — firmy aktyŭna pieravozili supracoŭnikaŭ u inšyja krainy.
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia18
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2323
Kamientary