Hramadstva2424

Łanskaja na Zanzibary, Darafiejeva na Kubie, Siaroha ŭ Šviejcaryi: dzie adpačyvajuć zimoj łukašenkaŭskija śpievaki

Stomlenyja ad biaskoncych «Marafonaŭ adzinstva», niekatoryja prychilniki režymu adrazu paśla vybaraŭ paśpiašalisia pajechać u adpačynak.

Iryna Darafiejeva vučycca hulać u holf na Kubie

Iryna Darafiejeva apublikavała ŭ instahramie zdymki z Kuby ŭ davoli eratyčnym kupalniku. Śpiavačka paviedamiła padpisčykam, što studzień dy i ŭsia vosień byli ŭ jaje davoli nasyčanymi. Jano i nie dziŭna, tamu što pamatacca pa roznych haradach Biełarusi, kab paśpiavać na kancertach praŭładnaha «Marafonu adzinstva» Irynie sapraŭdy daviałosia.

Iryna Darafiejeva. Fota ź jaje instahrama

U storys byłaja deputatka pościć kubinskija tancy na plažy Varadera i zadaje rytaryčnaje pytańnie, ci treba joj dałučycca.

Plaž hety — miesca sapraŭdy pryhožaje. Tut jość šyroki vybar zabaŭ dla turystaŭ: konnyja prahułki, marskija prahułki na jachtach, dajvinh, dla jakoha sama pryroda stvaryła idealnyja ŭmovy. Vialikuju cikavaść dla turystaŭ ujaŭlajuć marskija piačory i łancuhi karałavych ryfaŭ.

Dla adpačynku artystka znoŭ vybrała hatel z paznakaj «18+» — heta Melia Las Americas. Noč u samym tannym numary tut kaštuje kala 300 dalaraŭ za dvaich.

Iryna ź dziciačym zachapleńniem robić videa ź miascovymi ptuškami, płavaje z delfinami i vučycca hulać u holf. Skardzicca tolki na toje, što jaje arhanizm nijak nie moža pryzvyčaicca da 8-hadzinnaj roźnicy ź biełaruskim časam.

Alona Łanskaja chvalujecca za płanietu na Zanzibary

Alona Łanskaja palacieła adpačyvać na Zanzibar. Ciapier pościć fota z šykoŭnaha piacizorkavaha hatela Palumbo Waves, jaki pracuje pa sistemie «ŭsio ŭklučana».

Alona Łanskaja. Fota ź jaje instahrama

Znachodzicca hatel u buchcie Kiendva, samaj pryhožaj na ŭsim Zanzibary. Usiaho za 250 mietraŭ ad jaho cudoŭny plaž ź bialusieńkim piaskom, tam ža jość i restaran.

Jość taksama hałoŭny restaran sa šviedskim stałom i restaran à la carte na dachu z rybnymi dalikatesami.

Adzinaje, što krychu sapsuje Alonie adpačynak, — heta dumki pra zabrudžvańnie płaniety. Artystka zapościła ŭ storys videa taho, kolki śmiećcia pobač. Rolik jana supravadziła podpisam «Kali-niebudź płanieta…» i smajłam z raźbitym sercam.

Siaroha hulaje ŭ harach Šviejcaryi

Jašče ŭ 2021 hodzie vykanaŭca Siarhiej Parchomienka, bolš viadomy jak repier Siaroha, žyŭ va Ukrainie i raspaviadaŭ, jakaja heta cudoŭnaja kraina. Ale nie zabyvaŭ rabić kamplimienty i Łukašenku — i heta dało pradkazalny vynik. Spačatku śpievaka zaprasili vystupić na Dzień horada ŭ Minsku, a potym byli i inšyja prapanovy ad biełaruskich uładaŭ.

Užo paśla pačatku vajny va Ukrainie Siaroha nie razhubiŭsia i viarnuŭsia na radzimu — amal adrazu na miesca nastaŭnika na šou BT «Faktar.baj».

Siaroha. Fota ź jaho instahrama

Kab zrabić bolš tryvałym svajo stanovišča na biełaruskaj estradzie, repier navat zapisaŭ pieśniu pra spalenuju biełaruskuju viosku Oła, jakaja znachodzicca ŭ Śvietłahorskim rajonie Homielskaj vobłaści.

Ciapier, zdajecca, artyst sprabuje zamacavać svaje pazicyi ŭ rasijskim šou-biznesie i navat nie vielmi staraŭsia niejak padtrymać Łukašenku padčas vybaraŭ.

Sioleta Siaroha vyrašyŭ adpačyć u Šviejcaryi. Žartavaŭ, što špacyravać u harach jamu paraiŭ čat GPT, kali śpiavak spytaŭ pra niasumnaje kardyjo dla piensijnaha ŭzrostu. U jakaści suvienira pryvioz šviejcarski syr «Hałava manacha» — kaža, heta sapraŭdny tvor mastactva.

Kamientary24

  • vavan
    11.02.2025
    osnovnoj posył staťji kakoj????
    Dažie nie čitaja, a??? A vy i dalšie prodołžajtie hniť v tiuŕmach za svoi "idieały"...
  • Andruś
    11.02.2025
    Tam jašče Paŭnočnaja Kareja zaprašała da siabie turystaŭ. Taksama, kažuć, tam plažy z hatelami abstalavała. Niaŭžo nichto z łukašystaŭ nie spakusiŭsia takoju turystyčnaju piarlinaju?
  • Janka
    11.02.2025
    Siaroha apynuŭsia samym biespryncypovym. Pajechaŭ marnavać atrymanyja ź biudžeta hrošy za praniknionuju pieśniu ab spalenaj vioscy nie ŭ Raŭbičy i nie ŭ Biełakurychu, a ŭ Cermat, jaki znachodzicca u varožaj Šviejcaryi. Bo ničoha nie natchniaje stvarać novyja pafasnyja kvazipatryjatyčnyja prapahandysckija vyraby lepš za kamfortnaha adpačynku ŭ zamožnaj čužyni. Heta vam nie žabrackija Kuba dy Zanzibar.

Student histfaka BDU, jakoha katavali ŭ milicyi padčas pratestaŭ. Raskazvajem pra zahinułaha kalinoŭca Alaksandra Sieradu12

Student histfaka BDU, jakoha katavali ŭ milicyi padčas pratestaŭ. Raskazvajem pra zahinułaha kalinoŭca Alaksandra Sieradu

Usie naviny →
Usie naviny

Vajaroŭ biełaruskaha bataljona «Vołat» prymusova pieravodziać u inšyja padraździaleńni18

Łukašenka: Nijakaj vajny ź Jeŭropaj Pucin nie płanuje. Kali b płanavaŭ — ja b dakładna viedaŭ13

Zialenski: Kurskaja apieracyja vykanała svajo zadańnie4

Praz try miesiacy paśla vyzvaleńnia z navapołackaj kałonii pamior były palitviazień. Jamu było 485

Biełaruski fiermier pakazaŭ, jak trymieram rychtuje kłubnicy da siezonu — miljony prahladaŭ

U AirPods płanujuć dadać sinchronny pierakład razmovy

Łukašenka pra Zialenskaha: Vałodzia jak syn mnie byŭ, ale pastupiŭ jak hnida32

Hienštab USU abvierh zajavu Trampa ab «akružeńni ŭkrainskich vojskaŭ»2

Čały analizuje zadačy, jakija Łukašenka pastaviŭ novamu ŭradu3

bolš čytanych navin
bolš łajkanych navin

Student histfaka BDU, jakoha katavali ŭ milicyi padčas pratestaŭ. Raskazvajem pra zahinułaha kalinoŭca Alaksandra Sieradu12

Student histfaka BDU, jakoha katavali ŭ milicyi padčas pratestaŭ. Raskazvajem pra zahinułaha kalinoŭca Alaksandra Sieradu

Hałoŭnaje
Usie naviny →

Zaŭvaha:

 

 

 

 

Zakryć Paviedamić