Minabarony: Biełaruś razhladaje militaryzacyju la svaich zachodnich miežaŭ jak padrychtoŭku da napadu na Sajuznuju dziaržavu
Kiraŭnictva Polščy i krain Bałtyi realizuje adkryta varožyja naratyvy. Pra heta zajaviŭ načalnik Departamienta mižnarodnaha vajennaha supracoŭnictva — pamočnik ministra abarony pa pytańniach mižnarodnaha vajennaha supracoŭnictva Valeryj Ravienka na bryfinhu pa aktualnych pytańniach vajennaj palityki, piša BiełTA.
«Susiednija dziaržavy — Polšča i krainy Bałtyi — imknucca maksimalna chutka pavialičyć bajavy patencyjał nacyjanalnych uzbrojenych sił. Polski vajenny biudžet užo dasiahnuŭ rekordnaha dla jeŭrapiejskich krain aljansu pakazčyka — bolš za 4% VUP. U bližejšych płanach — pavieličeńnie da 5%. Adnačasova realizujucca płany pavieličeńnia kolkaści ŭzbrojenych sił da 300 tysiač čałaviek. Va ŭschodnich i paŭnočna-ŭschodnich rehijonach krainy, heta značyć niepasredna kala našych miežaŭ, praciahvajecca stvareńnie troch bajavych dyvizij. U polskuju armiju pastupaje ŭdarnaje ŭzbrajeńnie», — adznačyŭ Valeryj Ravienka.
Jon adznačyŭ, što krainy Bałtyi zasiarodzili asnoŭnyja namahańni na ŭdaskanaleńni vajennaj infrastruktury ŭ intaresach raźmiaščeńnia vojskaŭ sajuźnikaŭ pa NATO. Raście abaronny biudžet, pavialičvajecca bajavy i kolkasny skład nacyjanalnych uzbrojenych sił, idzie ich intensiŭnaje pieraŭzbrajeńnie na sučasnyja ŭzory vajennaj techniki.
«U Łatvii i Litvie viadziecca aktyŭnaja padrychtoŭka da razhartavańnia farmiravańniaŭ uzbrojenych sił Kanady i Hiermanii na ŭzroŭni bryhadaŭ. Usie hetyja maštabnyja pracesy militaryzacyi rehijonu my razhladajem jak patencyjnuju źniešniuju vajennuju pahrozu, jakaja pry peŭnych umovach moža pryvieści da vajennaha kanfliktu»,— padkreśliŭ Valeryj Ravienka.
Kamientary