Мінабароны: Беларусь разглядае мілітарызацыю ля сваіх заходніх межаў як падрыхтоўку да нападу на Саюзную дзяржаву
Кіраўніцтва Польшчы і краін Балтыі рэалізуе адкрыта варожыя наратывы. Пра гэта заявіў начальнік Дэпартамента міжнароднага ваеннага супрацоўніцтва — памочнік міністра абароны па пытаннях міжнароднага ваеннага супрацоўніцтва Валерый Равенка на брыфінгу па актуальных пытаннях ваеннай палітыкі, піша БелТА.
«Суседнія дзяржавы — Польшча і краіны Балтыі — імкнуцца максімальна хутка павялічыць баявы патэнцыял нацыянальных узброеных сіл. Польскі ваенны бюджэт ужо дасягнуў рэкорднага для еўрапейскіх краін альянсу паказчыка — больш за 4% ВУП. У бліжэйшых планах — павелічэнне да 5%. Адначасова рэалізуюцца планы павелічэння колькасці ўзброеных сіл да 300 тысяч чалавек. Ва ўсходніх і паўночна-ўсходніх рэгіёнах краіны, гэта значыць непасрэдна каля нашых межаў, працягваецца стварэнне трох баявых дывізій. У польскую армію паступае ўдарнае ўзбраенне», — адзначыў Валерый Равенка.
Ён адзначыў, што краіны Балтыі засяродзілі асноўныя намаганні на ўдасканаленні ваеннай інфраструктуры ў інтарэсах размяшчэння войскаў саюзнікаў па NATO. Расце абаронны бюджэт, павялічваецца баявы і колькасны склад нацыянальных узброеных сіл, ідзе іх інтэнсіўнае пераўзбраенне на сучасныя ўзоры ваеннай тэхнікі.
«У Латвіі і Літве вядзецца актыўная падрыхтоўка да разгартавання фарміраванняў узброеных сіл Канады і Германіі на ўзроўні брыгадаў. Усе гэтыя маштабныя працэсы мілітарызацыі рэгіёну мы разглядаем як патэнцыйную знешнюю ваенную пагрозу, якая пры пэўных умовах можа прывесці да ваеннага канфлікту»,— падкрэсліў Валерый Равенка.
-
У Беларусі прадаецца рэдкая манета, якую можна выкарыстоўваць як аб'ектыў у фотаапараце. Што за яна?
-
У беларускай краме ізраільскія авакада каштуюць танней, чым айчынныя агуркі
-
Беларусы расказалі, як 20 дзён хадзілі па арктычнай глухмені. Цяпер там ёсць перавалы Васіля Быкава і Уладзіміра Караткевіча
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3232
Каментары