Vens: Va Ukrainy niama nijakaha šlachu da pieramohi i nie było ŭsie try hady
Vice-prezident ZŠA Džej Dzi Vens zajaviŭ, što Ukraina nie zmoža atrymać pieramohu nad Rasijaj, bo taja maje vialikuju kolkasnuju pieravahu ŭ žyvoj sile i zbroi. Pra heta jon napisaŭ u sacsietcy X.
Pa słovach Vensa, adsutnaść šlachu da pieramohi dla Jeŭropy, administracyi byłoha prezidenta ZŠA Džo Bajdena i ŭkraincaŭ «było praŭdaj try hady tamu, było praŭdaj dva hady tamu, było praŭdaj u minułym hodzie i heta źjaŭlajecca praŭdaj siońnia».
Jon nie ličyć, što čarhovy pakiet dapamohi dla Ukrainy moža dapamahčy, bo rasijanie majuć «vielizarnuju kolkasnuju pieravahu» ŭ žyvoj sile i zbroi, i hetaja pieravaha budzie zachoŭvacca «niezaležna ad dalejšych pakietaŭ dapamohi Zachadu».
Akramia taho, Vens raskrytykavaŭ jeŭrapiejskich sajuźnikaŭ za ich unutranuju palityku «ŭ dačynieńni da mihracyi i cenzury», jakaja, jak jon śćviardžaje, «abražaje» pačućci bolšaści amierykancaŭ.
Tamu jon skazaŭ, što vajna «drennaja» dla Ukrainy, dla Jeŭropy i dla Złučanych Štataŭ. Mienavita tamu, pa jaho słovach, ciapier treba imknucca da miru.
«Nazyvać «umiratvareńniem» luboje pryznańnie taho, što intaresy Amieryki pavinny ŭličvać realii kanfliktu, — heta adarvanaja ad histaryčnaha kantekstu duraść», — dadaŭ amierykanski vice-prezident.
Džej Dzi Vens pahražaje Zialenskamu za kiepskija słovy pra Trampa
Čaho čakać biełarusam ad novaha suśvietnaha paradku? Razvažańni pra novuju realnaść
Jak Ukrainu šantažavali ŭ Miunchienie i čamu sarvałasia ździełka z ZŠA
Vens zajaviŭ, što jahonyja słovy pierakrucili — jon nie dapuskaje mahčymaści adpraŭki amierykanskich vojskaŭ va Ukrainu
Miunchienskaja pramova Vensa pra novuju palityku ZŠA i čakańni ad Jeŭropy — poŭny tekst
Krutoha ajcišnika, jaki viarnuŭsia z Polščy, kinuli za kraty za finansavańnie «ekstremizmu»25
Krutoha ajcišnika, jaki viarnuŭsia z Polščy, kinuli za kraty za finansavańnie «ekstremizmu»
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary
Słyša takije zajavlenija, ponimaješ, čto tramp riešajet svoi, ličnyje voroprosy, problemy i intieriesy. Inačie, vieś etot bried, kotoryj ljotsia iz ust trampa i jeho administracii nievozmožno objaśniť.