Vens zajaviŭ, što jahonyja słovy pierakrucili — jon nie dapuskaje mahčymaści adpraŭki amierykanskich vojskaŭ va Ukrainu
Vice-prezident ZŠA Džej Dzi Vens adreahavaŭ u sietcy X na publikacyju ŭ Wall Street Journal, jakuju mnohija interpretavali tak, nibyta jon dapuskaje, pry niekatorych umovach, mahčymaść adpraŭki amierykanskich vojskaŭ va Ukrainu. Nasamreč ža, pavodle śćviardžeńnia Vensa, jahonyja słovy pierakrucili palityčnyja apanienty.
U intervju haziecie Vens zhadaŭ pra «vajskovyja instrumienty ŭździejańnia», kali Rasija nie pažadaje spynić vajnu, ale nie raskryvaŭ hetuju ideju bolš padrabiazna.
«Jak ja zaŭsiody kazaŭ, amierykanskija vojski nikoli nie pavinny padviarhacca niebiaśpiecy tam, dzie heta nie spryjaje amierykanskim intaresam i biaśpiecy. Hetaja vajna — pamiž Rasijaj i Ukrainaj», — napisaŭ Vens.
«Toje, što WSJ vyviernuła maje słovy padobnym čynam u hetaj historyi, — heta absurd, ale ničoha dziŭnaha tut niama, uličvajučy, što jany mnohija hady damahalisia taho, kab bolš synoŭ i dačok amierykancaŭ apranali vajskovuju formu i raźmiaščalisia za miažoj bieź nieabchodnaści», — dadaŭ Vens u nastupnym paście.
The Wall Street Journal u svajoj redakcyjnaj pazicyi — vydańnie, blizkaje da Respublikanskaj partyi, ale ŭ bolšaj stupieni da jaje tradycyjnaha kryła, jakoje šmat u čym straciła ŭpłyŭ z prychodam u palityku Donalda Trampa i zavajavańniem im papularnaści. Tamu hety kanflikt vyhladaje prajavaj unutrypartyjnaj baraćby.
Pry hetym varta adznačyć, što abviaržeńnie Vensa źjaviłasia nie adrazu paśla publikacyi, a praz dastatkova praciahły čas paśla jaje, kali jahonyja słovy va ŭsim śviecie ŭžo paśpieli šmatrazova pracytavać i abmierkavać.
«Zasiarodžusia na pracy z ZŠA». Cichanoŭski raskazaŭ pra svaje palityčnyja płany na 2026 hod22
Kamientary