Tramp sustreniecca ź Zialenskim u piatnicu dla padpisańnia pahadnieńnia ab nietrach
«Ja razumieju, što heta vialikaja ździełka, vielmi vialikaja … mahčyma, ździełka na tryljon dalaraŭ», — skazaŭ prezident ZŠA.
Uładzimir Zialenski, vierahodna, prybudzie ŭ Vašynhton u piatnicu, 28 lutaha, dla asabistaj sustrečy. Padčas pieramovaŭ moža być padpisana pahadnieńnie pa zdabyčy karysnych vykapniaŭ. Pra heta Tramp skazaŭ padčas razmovy z žurnalistami ŭ Biełym domie, piša «Ukrainskaja praŭda».
«Ja čuŭ, što jon (Zialenski) pryjazdžaje ŭ piatnicu (28 lutaha). Viadoma, ja nie suprać, kali jon zachoča. I kali jon zachoča padpisać jaje razam sa mnoj — kali łaska».
«Ja razumieju, što heta vialikaja ździełka, vielmi vialikaja … mahčyma, ździełka na tryljon dalaraŭ. Heta moža być što zaŭhodna, bo havorka idzie pra redkaziamielnyja mietały i inšyja resursy».
Tramp taksama adznačyŭ žadańnie viarnuć vydatkavanyja srodki.
«My chočam być abaronienymi, my chočam viarnuć hetyja hrošy. Vajna nie pavinna była adbycca, ale jana adbyłasia, i ciapier my pavinny jaje vyrašyć. Amierykanskija padatkapłacielščyki narešcie viernuć svaje hrošy».
Na pytańnie žurnalista pra toje, što Ukraina atrymaje naŭzamien, Tramp adkazaŭ, što heta «350 miljardaŭ dalaraŭ i prava zmahacca dalej».
Ciapier čytajuć
Palčys zajaviŭ, što heta jon kaardynavaŭ pratesty 2020 hoda ź Minska i pisaŭ płany pieršych maršaŭ94
Palčys zajaviŭ, što heta jon kaardynavaŭ pratesty 2020 hoda ź Minska i pisaŭ płany pieršych maršaŭ
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich2121
Kamientary