Tramp choča spynić finansavańnie dla ŭniviersitetaŭ ZŠA, dzie adbyvajucca pratesty. Z čym niazhodnyja studenty?
Tramp zajaviŭ, što fiederalnaje finansavańnie ŭniviersitetaŭ i škoł, jakija dapuskajuć «nielehalnyja» pratesty, budzie spyniena. Ahitataraŭ akcyj jon prapanuje adpravić u turmu ci krainu, adkul jany pryjechali.
«Amierykanskija studenty buduć nazaŭsiody vyklučanyja abo, u zaležnaści ad złačynstva, aryštavanyja», — napisaŭ prezident ZŠA ŭ sacyjalnaj sietcy Truth.
3 sakavika administracyja Trampa pryhraziła adklikać kantrakty pa dziaržaŭnym finansavańni Univiersiteta Kałumbii na sumu bolš za 50 miljonaŭ dalaraŭ praz «biaździejnaść» VNU padčas prapalestynskich pratestaŭ.
Mihracyjnyja ŭkazy Trampa mohuć pryvieści da taho, što miljony studentaŭ pakinuć univiersitety. Ale, jak pisaŭ The New York Times, nie ŭsie studenty pačali pratestavać adkryta.
Tyja, chto vykazvaŭsia, časta rabili tolki listy i zajavy. U niekatorych vypadkach urad prymušaŭ daśledčykaŭ i kiraŭnikoŭ univiersitetaŭ maŭčać, patrabujučy, kab jany nie razmaŭlali z žurnalistami.
Ciapier studentaŭ najbolš chvaluje spynieńnie prahramy DEI, jakaja adkazvała za raźvićcio raznastajnaści, roŭnaści i inkluzii va ŭniviersitetach. Ukaz ab jaje spynieńni Tramp padpisaŭ u studzieni.
Studenty ličać, što praz hety ŭkaz mnohija ryzykujuć stracić svaje stypiendyi. Pratesty prachodziać pa ŭsim ZŠA, a naprykancy lutaha ŭ Kientuki studenty ceły dzień pryśviacili akcyjam u padtrymku DEI.
Anhus Džonstan, historyk studenckich pratestnych ruchaŭ i prafiesar hramadskaha kaledža Chostas, skazaŭ, što jon nie ździŭleny tym, što kampusy zdajucca adnosna spakojnymi.
Za apošnija 20 hadoŭ, śćviardžaje jon, navučalnyja ŭstanovy ŭ ZŠA ŭsio mienš i mienš pabłažliva stavilisia da studenckich pratestaŭ, kulminacyjaj jakich stała žorstkaje padaŭleńnie pratestaŭ viasnoj 2024 hoda — u niekatorych vypadkach z aryštami palicyjaj. Z tych časoŭ mnohija ŭniviersitety ŭviali novyja — ci ŭzmacnili najaŭnyja — praviły, jakija abmiažoŭvajuć, kali, dzie i jak studenty mohuć pravodzić demanstracyi.
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza19
Kamientary