U kanadskim Edmantanie padvierhnułasia aktu vandalizmu statuja kultavaj fihury kanadskaha chakieja — Uejna Hrecki, najlepšaha bambardzira ŭ historyi NCHŁ i chakieista, što maje biełaruskija karani, piša Championat.com.
Jak paviedamlaje ŭ sacsietkach kanadski žurnalist Dzin Błandeł, manumient byŭ abkidany ekskremientami. Matyvy dziejańniaŭ nieviadomych asob zastajucca niezrazumiełymi.
Raniej Hrecki ŭžo traplaŭ pad chvalu krytyki ŭ Kanadzie praz svaje suviazi z eks-prezidentam ZŠA Donaldam Trampam. Mienavita Tramp uvioŭ žorstkija mytnyja taryfy ŭ dačynieńni da Kanady i navat prapanoŭvaŭ uklučyć krainu ŭ skład ZŠA jak 51-y štat.
Za svaju karjeru ŭ NCHŁ Uejn Hrecki nabraŭ 2857 bałaŭ (894 šajby + 1963 pieradačy) u 1487 matčach — pakazčyk, jaki dahetul zastajecca niedasiahalnym. Ale zaraz jaho dahaniaje pa zakinutych šajbach rasijski forvard «Vašynhtona» Alaksandr Aviečkin, jaki maje ŭžo 888 zakinutych šajbaŭ.
Uejn Hrecki hulaŭ za «Edmantan» u 1978-1988 hadach i zrabiŭ kłub adnym z najlepšych u Nacyjanalnaj chakiejnaj lizie. Pry Hrecki «Edmantan» čatyry razy vyjhravaŭ Kubak Stenli, pryčym zrabiŭ upieršyniu. Za dasiahnieńni hulcu pastavili ŭ horadzie statuju.
Ciapier čytajuć
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»20
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary
[Zredahavana]