Hramadstva

Piensijanierka paškodziła tabličku ŭ dvary doma i ledź nie atrymała 8200 rubloŭ štrafu

U adnym z rajonaŭ Minska pamiž pradstaŭnikami ŽKH i piensijanierkaj uźnik niemały kanflikt. Detali jahonyja publičnaści nieviadomyja, a voś vynik uražvaje: žančyna mahła ŭlacieć na štraf u pamiery 8,2 tys. rubloŭ, piša «Anłajnier».

Vinoj usiamu stała nievialikaja tablička «Vyhuł sabak zabaronieny», jakuju piensijanierka vypadkova ci naŭmysna paškodziła. Što było dalej, raskazali ŭ prakuratury horada Minska.

U sud Centralnaha rajona źviarnulisia supracoŭniki adnaho sa staličnych ŽKH, jakija zapatrabavali, kab piensijanierka kampiensavała 83 rubli za złamanuju tabličku «Vyhuł sabak zabaronieny». Sudździa zadavoliŭ pazoŭ i pastanaviŭ spahnać ź piensijanierki štraf u 80 rubloŭ i pakryć kamunalnikam košt paškodžanaj infarmacyjnaj šyldy.

U hetaj spravie možna było pastavić kropku, ale pradstaŭniki ŽKH vyrašyli pajści dalej. Jany źviarnulisia ŭ sud z prośbaj jašče raz spahnać ź piensijanierki naniesienuju škodu, ale pavialičanuju ŭ starazovym pamiery. Suma skłała krychu bolš za 8,2 tysiačy rubloŭ. Hałoŭnym arhumientam u pazovie staŭ punkt 38 pravił uparadkavańnia i ŭtrymańnia horada Minska.

Zhodna z p. 38 nazvanych praviłaŭ u metach padtrymańnia terytoryi horada Minska ŭ naležnym stanie, u tym liku pry naŭmysnym naniasieńni škody (škody) abjektam uparadkavańnia, kapitalnym budynkam (zbudavańniam) arhanizacyi zabiaśpiečvajuć pryviadzieńnie ŭ naležny vyhlad nazvanych abjektaŭ z nastupnym spahnańniem va ŭstanoŭlenym paradku strataŭ (škody) u storazovym pamiery, a taksama nakiravańniem paviedamleńnia ab administracyjnym pravaparušeńni ŭ orhan, jaki viadzie administracyjny praces.

Jak ni dziŭna, ale sud zadavoliŭ hety pazoŭ i abaviazaŭ pažyłuju minčanku vypłacić zajaŭlenuju sumu na karyść kamunalnikaŭ.

Pa hetaj spravie była padadziena apielacyja, u jakoj prakuror patłumačyŭ: paškodžanaja tablička nie adnosicca da abjektaŭ uparadkavańnia. Taksama sudu nahadali, što ź piensijanierki ŭžo spahnali štraf u ramkach administracyjnaj spravy.

Minski haradski sud admianiŭ rašeńnie suda pieršaj instancyi, a taksama admoviŭ u pazovie supracoŭnikam pradpryjemstva ŽKH, jakija płanavali «pakarać» pažyłuju minčanku jašče na 8,2 tysiačy rubloŭ.

Kamientary

Ciapier čytajuć

Tramp pavieryŭ u poŭnuju pieramohu Ukrainy26

Tramp pavieryŭ u poŭnuju pieramohu Ukrainy

Usie naviny →
Usie naviny

Jak favarytki Łukašenki zarablajuć u bjuci-śfiery12

Łukašenka raspytaŭ Turčyna pra kasiaki ŭrada19

Zakryćcio biełaruska-polskaj miažy zabłakavała bolš za 130 ciahnikoŭ z Kitaja ŭ Jeŭropu5

Biełarus u ZŠA staŭ rabom biez dakumientaŭ i šukaje sposab viarnucca dadomu20

Dubaj staŭ novaj suśvietnaj stalicaj OnlyFans9

Fiaduta chodzić z kijočkam i z supravadžeńniem, jaho časta vyvoziać u Respublikanski turemny špital — serca5

«Samaja niaŭdałaja viza dla imihracyi». Ci chvalujucca ajcišniki z-za novaha ŭkaza Trampa?5

Vyzvaleny videaapieratar «Biełsata» Viačasłaŭ Łazaraŭ: Kab abaranić žonku, braŭ usiu vinu na siabie. Ale i jaje pakinuli ŭ SIZA

U Mahilovie dzied u kaviarni daŭ kijem pa hałavie mužčynu, što hruba i hučna svaryŭsia z žonkaj4

bolš čytanych navin
bolš łajkanych navin

Tramp pavieryŭ u poŭnuju pieramohu Ukrainy26

Tramp pavieryŭ u poŭnuju pieramohu Ukrainy

Hałoŭnaje
Usie naviny →

Zaŭvaha:

 

 

 

 

Zakryć Paviedamić