Urad ustanaviŭ novyja taryfy na «kamunałku» na 2025 hod. Jany pačali dziejničać z 1 studzienia 2025 hoda, heta značyć, płacić treba budzie ź lutahap. Kolki ciapier kaštujuć elektryčnaść, haz i inšyja pasłuhi ŽKH?
Płaciažy pa «žyroŭcy» vyrastuć na 0,5 bazavaj vieličyni, heta značyć na 21 rubiel dla typavoj kvatery. Pry hetym rost z 1 studzienia skłaŭ 17,05 rubla, a z červienia za košt padaražańnia aciapleńnia i haračaj vady — jašče na 3,95 rubla.
Taksama z 1 studzienia padaražeła elektryčnaść. Tut taryfy padnialisia na 11,9%. Miarkujecca, što dla typavoj kvatery pry narmatyŭnym spažyvańni heta daść rost na 4 rubli 51 kapiejku.
Zvadkavany haz ciapier kaštuje na 5% daražej, heta značyć, što bałon vahoj 21 kh u miežach narmatyŭnaha spažyvańnia abydziecca ŭ 24,5 rubla. A voś ceny na pryrodny haz nie źmianilisia i zastalisia na ŭzroŭni minułaha hoda.
Pakolki taryfy pavialičyli z 1 studzienia, heta aznačaje, što płacić pa «žyroŭcy», jakaja pryjdzie ŭ lutym, my budziem užo pa novych cenach.
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie12
Kamientary