Jość tolki 10 rajcentraŭ, dzie nasielnictva vyrasła niahledziačy ni na što. Lidar tradycyjny
Kolkaść nasielnictva Biełarusi praciahvaje źnižacca. Za minuły hod — na 47 tysiač. Ale jość harady, u jakich situacyja lepšaja, čym u cełym pa krainie.
My ŭžo adznačali, što nasielnictva vyrasła ŭ Minsku i čatyroch abłasnych centrach (usich, aproč Mahilova).
U Minsku stała na 3868 žycharoŭ bolš, u Hrodnie — na 2603 čałavieki, u Breście — na 1591 čałavieka, u Viciebsku — na 532 čałavieki, u Homieli — na 91 čałavieka.
A što adbyvałasia ŭ mienšych nasielenych punktach? My naličyli roŭna 10 rajcentraŭ, jakija pryraśli ŭ minułym hodzie:
| № | Rajonny centr | pa stanie na 1.1.2024 | pa stanie na 1.1.2025 | Pryrost |
| 1 | Astraviec | 15116 | 15265 | +149 |
| 2 | Žabinka | 14418 | 14497 | +79 |
| 3 | Hłybokaje | 17746 | 17807 | +61 |
| 4 | Červień | 10545 | 10595 | +50 |
| 5 | Stolin | 13785 | 14034 | +49 |
| 6 | Smalavičy | 22679 | 23721 | +42 |
| 7 | Ašmiany | 16787 | 16804 | +17 |
| 8 | Naroŭla | 8371 | 8388 | +17 |
| 9 | Dubroŭna | 6929 | 6945 | +16 |
| 10 | Brahin | 4570 | 4579 | +9 |
Lidar zachoŭvajecca toj samy — nasielnictva Astraŭca niaspynna pavialičvajecca z momantu, kali pačałosia budaŭnictva AES. Z 2008 hoda nasielnictva Astraŭca vyrasła z 9 tysiač da 15 tysiač čałaviek, a sam nasieleny punkt atrymaŭ status horada.
Aproč taho, zhadajem try harady, jakija nie źjaŭlajucca centrami rajonaŭ, ale taksama pryraśli za 2024 hod.
| 1 | Fanipal | 18252 | 18684 | +432 |
| 2 | Vysokaje | 4913 | 4941 | +28 |
| 3 | Turaŭ | 2752 | 2761 | +9 |
-
Sacpakiet ajcišnika ŭ Minsku schudnieŭ? Jakimi «pluškami» zavablivajuć Lesta, EPAM dy inšyja
-
Ksiondz Akałatovič: Mianie abvinavacili ŭ špijanažy na karyść Polščy i Vatykana
-
U adstaŭku adpravili adyjoznuju navapołackuju sudździu Zinaidu Bałabołavu — na jaje rachunku niekalki dziasiatkaŭ palityčnych pracesaŭ
Ciapier čytajuć
Susied Mielnikavaj: Niekalki tydniaŭ tamu niejki mužčyna vynosiŭ z kvatery sabranyja rečy9
Kamientary
330 km ad Maskvy.
Rekamiendacyja MAHATE, paśla avaryi na Fukusimie - 100 km ad bujnych nasielenych punktaŭ.
Usim, chto ŭ stanie čytać, raju vypuski žurnała "VANT" (Voprosy Atomnoj Nauki i Tiechniki) Kurčataŭskaha instytuta. Madelavańnie avaryjnaj situacyi na reaktary RBMK i šmat inšaha datyčna reaktaraŭ VVER, mienavita Kalininskaj AES.
Prajekt AES 2006 mieŭ spraščeńnie - pa adnoj hradzirni na reaktarny błok. U 2011-m Andrejem Ažaroŭskim była apisana situacyja z vychadam cyrkulacyjnych nasosaŭ na Kalininskaj AES. Schavać nielha - hradzirnia bačnaja za mnohija kiłamietry, i kali ź jaje raptam pierastaŭ valić par, to jak heta možna było schavać ad žycharoŭ h. Udomla?
Žychary paturbavali ekołahaŭ, ekołahi maŭklivy sajt Kalininskaj AES, tak i daviedalisia pra prablemu ź impartnymi kamplektujučymi dla cyrkulacyjnych nasosaŭ.
Kali hradzirań dźvie na błok, jość mahčymaść manieŭra z mahutnaśćciu reaktara. A kali adna, to zastajecca (u vypadku adkaza cyrkulacyjnych nasosaŭ), tolki chałodny astanoŭ reaktara. Tak pisaŭ Andrej Ažaroŭski.