Usiaho patrochu4949

«Tradycyjnaja žonka» — modny ruch, jakim zachapiłasia moładź

Piačy, prybirać, uśmichacca i mienš dumać pra karjeru — taki ład žyćcia stanovicca ŭsio papularniejšym u sacsietkach. Što charakterna dla takich žančyn i siemjaŭ?

tradwife tradycyjnaja žonka tradicionnaja žiena
Vobraz «tradycyjnaj žonki». Skrynšot videa z tyktoku

U kadry — pryhožaja kuchnia, na stale — piroh, pobač hulajuć dzieci, a žančyna, akuratna pryčasanaja, uśmichajecca ŭ kamieru. U apisańni — chešteh #tradwife. Za apošnija hady ŭ Instagram i TikTok vyrasła cełaja supolnaść žančyn, jakija śviadoma admaŭlajucca ad karjery i vybirajuć «tradycyjnuju» rolu: być chatniaj haspadyniaj, «aporaj muža» i hadavać dziaciej. Pryčym moda na heta zakranuła maładoje pakaleńnie — zumieraŭ i milenijałaŭ.

Termin tradwife pachodzić ad anhlijskaha traditional wife — «tradycyjnaja žonka». Jon apisvaje žančynu, jakaja śviadoma prytrymlivajecca hiendarnych rolaŭ, charakternych dla siaredziny XX stahodździa: być dobraj haspadyniaj, kłapacicca pra muža i dziaciej, a hałoŭnaje — nie pracavać pa-za domam.

Idei, što stajać za tradwife, nie źjavilisia z TikTok. Jašče ŭ 1963 hodzie amierykanka Chielen Andelin vydała knihu Fascinating Womanhood («Zachaplalnaja žanockaść») — svojeasablivy padručnik pra toje, jak stać «žanockaj» i ščaślivaj, addaŭšysia mužu. Kniha vytrymała šeść pieravydańniaŭ i była pradadziena nakładam dva miljony asobnikaŭ.

Adnak sam termin i ruch tradwife źjaviŭsia ŭžo ŭ internecie ŭ XXI stahodździ. Sapraŭdny rost papularnaści adbyŭsia ŭ 2010-ch: spačatku ŭ ZŠA i Vialikabrytanii, paśla — u Hiermanii, Francyi, Japonii. Padčas pieradvybarčaj kampanii Donalda Trampa ŭ 2016 hodzie łozunh «Zrobim Amieryku znoŭ vialikaj» pieraŭtvaryŭsia ŭ sacsietkach u «Zrobim chatnich haspadyń znoŭ vialikimi».

Papularnaść tradwife prykmietna ŭzrasła padčas karancinaŭ COVID-19, kali mnohija siemji zastavalisia doma, a žančyny pieraasensoŭvali svaju rolu ŭ siamji. Sacyjalnyja sietki stali hałoŭnaj placoŭkaj raspaŭsiudu — siońnia ŭ TikTok tysiačy rolikaŭ z tehami #tradwife, #feminineenergy, #homemaker.

Vyhlad zajmaje asablivaje miesca ŭ hetym ruchu. Mnohija «tradycyjnyja žonki» natchniajucca estetykaj 1950-ch: pryčoski, midi-spadnicy, karsetnyja sukienki, tufli na abcasach, fartuchi z vałanami. Inšyja addajuć pieravahu stylu modest fashion: doŭhija zakrytyja sukienki, poŭnaja admova ad štanoŭ. Supolnym zastajecca adna rysa — maksimalnaja žanockaść u vyhladzie.

Niekatoryja prychilnicy ruchu prapanujuć kulinarnyja majstar-kłasy, vučać, jak pravilna zavichacca pa domie, dajuć parady pa styli i pryhažości, a taksama — jak «rabić muža ščaślivym».

Ideałohija ruchu źviazanaja z kansiervatyŭnymi kaštoŭnaściami, časta blizkimi da jevanhielisckich i pravych amierykanskich kołaŭ. Chacia mnohija «tradycyjnyja žonki» śćviardžajuć, što jany «apalityčnyja», rytoryka «žanočaj pakory» i prasłaŭleńnie tradycyjnaj siamji dobra ŭkładajucca ŭ palityčnuju prahramu tych, chto vystupaje suprać sučasnaha fieminizmu.

Adny zajaŭlajuć: «My žanockija, ale nie fieministki». Inšyja — što ich vybar pryśviacić siabie domu i siamji i jość prajava fieminizmu — bo heta «śviadomy vybar», u adroźnieńnie ad 1950-ch, kali žančyny nie mieli alternatyvy.

U idealnym śviecie tradwife muž zarablaje, žonka dahladaje dziaciej, a siamja — heta śviatynia.

Krytyki adznačajuć, što za estetykaj tradwife časta chavajecca dobra vyvieranaja pastanoŭka. Idealnyja pirahi, retra-sukienki i pastelnyja interjery — nie zaŭsiody adlustravańnie realnaha žyćcia. Mnohija viadomyja błohierki ruchu finansava zabiaśpiečanyja, majuć čas i resursy, kab padtrymlivać taki styl. Dla bolšaści žančyn jon niedasiažny — ale stvaraje adčuvańnie, što ty «nie daciahvaješ».

Ironija ŭ tym, što mnohija tradwives, jakija nazyvajuć siabie chatnimi haspadyniami, na samaj spravie — upłyvovyja błohierki i kantent-mejkierki. Jany zdymajuć, mantažujuć, viaduć anłajn-biznesy, pradajuć kursy i zarablajuć. Heta nie «admova ad pracy» — heta novaja forma pracy ŭ ličbavym śviecie.

Ale kali «tradycyjnaja žonka» — nie styl žyćcia napakaz, a samoj žančynaj pryniataje rašeńnie, adpaviednaje jaje ŭnutranym žyćciovym ustanoŭkam, to heta ščaślivy dla siamji vybar.

Kamientary49

  • Śviadomy
    07.04.2025
    A kak oni v postjeli? Počiemu nie pokazali vsie navyki?
  • dočka Maksima Dizajniera
    07.04.2025
    Maksim Dizajnier protiv
  • sodieržantki
    07.04.2025
    sodieržantki

Cichanoŭski: Pryjechaŭ by i pacisnuŭ Trampu ruku18

Cichanoŭski: Pryjechaŭ by i pacisnuŭ Trampu ruku

Usie naviny →
Usie naviny

62-hadovuju namieśnicu dyrektara minskaj himnazii adpravili ŭ kałoniju za palityku12

Złučanyja Štaty mohuć skaracić kolkaść svaich vojskaŭ u Jeŭropie na 30%3

Šeleh: Biełaruskija leki ničym nie adroźnivajucca ad starych preparataŭ bujnych farmaceŭtyčnych kampanij3

Nastajaciel manastyra Šaaliń trapiŭ pad śledstva pa padazreńni ŭ rastratach i amaralnym ładzie žyćcia4

U Rečyckim rajonie ad udaru tokam zahinuli dvoje mužčyn

Ceny na šakaład ździŭlajuć13

Navumčyk pra niezaležnaść Biełarusi: Pucin nie zdolny mabilizavać nivodnaha biełarusa na vajnu — nacyjanalnyja aŭtanomii Rasii nie majuć i hetaha30

Muzykanty vydalajuć svaju muzyku sa Spotify, bo jon spansaruje kampaniju, jakaja vyrablaje tysiačy dronaŭ dla Ukrainy26

«Heta svojeasablivaje partniorstva». Tramp zaklučyŭ ździełku, pa jakoj krainy Jeŭropy abaviazany płacić taryf 15%8

bolš čytanych navin
bolš łajkanych navin

Cichanoŭski: Pryjechaŭ by i pacisnuŭ Trampu ruku18

Cichanoŭski: Pryjechaŭ by i pacisnuŭ Trampu ruku

Hałoŭnaje
Usie naviny →

Zaŭvaha:

 

 

 

 

Zakryć Paviedamić