Vieteran biełaruskaha ruchu, lidar ruchu «Volnaja Biełaruś» Zianon Paźniak zastajecca adnym ź nie vielmi šmatlikich biełarusaŭ, jaki nieparušna vieryć u zorku Donalda Trampa. 3 krasavika jon apublikavaŭ u fejsbuku napisany napiaredadni tekst, u jakim daŭ zachoplenyja charaktarystyki nie tolki Trampu, ale i jahonamu najbližejšamu atačeńniu.
«Palityka prezidenta Trampa (unutranaja i źniešniaja, nie zvažaju tut na papulizm) mnie krychu nahadvaje miescami dziejańni prezidenta Džona Ficdžeralda Kienedzi — paźbiahańnie vajennych kanfliktaŭ šlacham dyjałohu, uvaha da pošlin, viartańnie da daŭniaj narmalnaści amerykanskaj sistemnaj demakratyi, ale ŭžo na respublikanskim uzroŭni», — nie chavaje biełaruski hramadski dziejač svajho zachapleńnia amierykanskim prezidentam.
Ale siła Trampa nie tolki ŭ im samim, ale i ŭ padbory kamandy. «Daŭno my nie bačyli ŭ Biełym domie ZŠA takich paśpiachovych ludziej», — śćviardžaje Paźniak.
«Naprykład, pres-sakratar prezidenta vydatnaja spadarynia Kerałajn Livit — heta prosta znachodka vieku (ničoha padobnaha raniej nie było)», — ličyć jon, nie ŭdakładniajučy, praŭda, na padstavie jakich dasiahnieńniaŭ hetaj žančyny zroblena takaja vysnova.
U toj ža čas dla ŭschvaleńnia miljardera Iłana Maska padstavy bolš kankretnyja:
«Inicyjatyva Iłana Maska na słužbie demakratyčnaj dziaržavy (i jaho hrupy miljarderaŭ (!) — heta terapija dla Amieryki (choć i časovaja, žorstkaja i nie zvykłaja). Ahulny pryncyp (miem) taki: demakratyja — heta nie biurakratyja».
U suviazi z hetym lidar «Volnaj Biełarusi» vykazvaje spadziavańnie, što «moža ŭsio atrymajecca ŭ rašučych ludziej, jakija iduć praz hadziučaje pole». Jakoje, praŭda, ź biełaruskim nie supadaje, bo «ŭ nas, biełarusaŭ, svajo pole. I treba nam budzie jaho pierajści».
Pry hetym mahčymych apanientaŭ jon adrazu zaścierahaje:
«Vymušany ŭpieršyniu papiaredzić usich «vialikich znaŭcaŭ palityki», «nastradamusaŭ» i načytanych maładzionaŭ u FB, što pry malejšaj źniavazie majho imia na hlebie nianaviści da Trampa, abhadžvańni majoj asoby i chamstvie budu (ad čaho zvyčajna ŭstrymlivaŭsia) tut ža vydalać takich z rejestru siabroŭ».
«Jany kryvadušniki prosta». Biełaruski nacyjanalist vykazaŭsia pra «pravy razvarot», Trampa, prarasijskaść i mihrantaŭ nie ź Biełarusi
Paźniak zapisaŭ hutarku z palitźniavolenaj. A jana damahłasia, kab videa vydalili ź jutuba
Paźniak navučyŭ tvitarskich novamu słovu — «łapidarny». Jak heta zdaryłasia?
Zianon Paźniak: Ni biełarusam, ni asabliva ŭkraincam nielha achajvać Trampa
Ciapier čytajuć
Maładoj mamie z Navahrudka dali 6 hadoŭ za karupcyju. Jana dakazała svaju nievinavataść — ale kali ŭžo adsiedzieła1
Kamientary
Uskryli šmat kiejsaŭ machlarstva praź dzirki ŭ dziaržaŭnych sistemach. Navodziać paradak.