ES na 90 dzion prypyniaje dziejańnie ŭłasnych taryfaŭ u dačynieńni da ZŠA
Jeŭrapiejskija ŭłady dali lustrany adkaz ZŠA, jakija na 90 dzion zamarozili ŭviadzieńnie taryfaŭ u adnosinach da ŭsich krain, akramia Kitaja.
Pra zamarozku jeŭrapiejskich taryfaŭ paviedamiła staršynia Jeŭrakamisii Ursuła fon der Lajen.
«My pryniali da viedama zajavu prezidenta Trampa. My chočam dać pieramovam šaniec. Kali pieramovy nie buduć zdavalniajučymi, našy kontrmiery pačnuć dziejničać», — adznačyła jana.
Raniej Ursuła fon der Lajen zajaŭlała, što «Jeŭropa hatovaja adkazać» na abvieščanuju Trampam handlovuju vajnu.
2 krasavika Tramp abviaściŭ «Dniom vyzvaleńnia» Amieryki i paviedamiŭ, što ŭvodzić niečuvanyja z pačatku minułaha stahodździa tatalnyja taryfy na impart tavaraŭ u ZŠA.
9 krasavika prezident ZŠA Donald Tramp zajaviŭ, što prypyniaje taryfy na 90 dzion suprać inšych krain i padymaje staŭki ŭ handlovaj vajnie z Kitajem — ciapier myty suprać jahonaj pradukcyi buduć składać užo nie 104, a 125%.
Ciapier čytajuć
Babaryka: Kali b my pieramahli — vajny va Ukrainie nie było b23
Babaryka: Kali b my pieramahli — vajny va Ukrainie nie było b
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»77
Kamientary