U Niamieččynie ŭ miežach inicyjatyvy «33 knihi dla inšaj Biełarusi», jakuju pravodziać Iryna Hierasimovič i Silvija Zase, vyjšła supolnaja publikacyja vydaviectvaŭ «Łohvinaŭ» i «Suhrkamp» — kniha Śviatłany Aleksijevič «U vajny nie žanočy tvar» na biełaruskaj movie, piša Bellit.info.
«Dakumientalny tekst Śviatłany Aleksijevič, napisany ŭ 1983 hodzie i apublikavany na rasiejskaj movie ŭ časy Savieckaha Sajuza ŭ 1985 hodzie, apaviadaje pra žančyn, jakija vajavali ŭ Čyrvonaj Armii padčas Druhoj suśvietnaj vajny, ale tak i nie stali častkaj kalektyŭnaj pamiaci. Jany dzielacca z aŭtarkaj apoviedami pra vajnu, pra śmierć i zabojstvy, pra brud i paskudździe, pra teror i vajennyja złačynstvy, pra rany, bol i hoład. Dy raskazvajuć pra toje, jak pra ich zabylisia. Jak i ŭ inšych svaich knihach, Śviatłana Aleksijevič daje prastoru hałasam tym, chto zastajecca niezaŭvažanym», — havorycca ŭ apisańni knihi na sajcie inicyjatyvy.
Biełaruskaja viersija knihi, jakaja vyjšła ŭ vydaviectvie «Łohvinaŭ» u 2018 hodzie, karystałasia vialikaj papularnaściu, z adnaho boku, dziakujučy bliskučamu pierakładu fiłosafa i piśmieńnika Valancina Akudoviča, a z druhoha — jak važny znak pieraadoleńnia padziełu pamiž biełaruskamoŭnaj i rasijskamoŭnaj litaraturnymi scenami Biełarusi. I voś ciapier vychodzić pieravydańnie ŭ miežach kampanii «33 knihi dla inšaj Biełarusi» jak vynik supracoŭnictva vydaviectvaŭ «Łohvinaŭ» i «Suhrkamp». Niamieckamoŭnaje vydańnie knihi vychodziła ŭ «Suhrkamp» u 2015 hodzie.
Kupić knihu «U vajny nie žanočy tvar» Śviatłany Aleksijevič možna praz sajt niamieckaha vydaviectva www.suhrkamp.de.
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary