U Pakistanie dumajuć, što dla ich u Biełarusi buduć 198 tysiač vakansij
Ułady Pakistana abmiarkoŭvajuć mahčymaści pracoŭnaj mihracyi ŭ Biełaruś. Abmierkavańni hetaha pytańnia prajšli na pasiadžeńni Pastajannaha kamiteta pa spravach pakistancaŭ za miažoj u Sienacie, vierchniaj pałacie parłamienta Pakistana, paviedamlaje Reform.news sa spasyłkaj na miascovuju presu.
Na pasiadžeńni ministr pa spravach pakistancaŭ za miažoj zajaviŭ, što hramadzianie Pakistana mohuć raźličvać u Biełarusi na 198 tysiač vakansij, u tym liku ŭ pramysłovaści, sielskaj haspadarcy i budaŭnictvie.
Pa słovach ministra, na praciahu dvuch miesiacaŭ Biełaruś i Pakistan padpišuć miemarandum ab uzajemarazumieńni, paśla čaho pakistancy zmohuć vyjazdžać u Biełaruś.
Na pasiadžeńni zajavili, što minimalny zarobak u Biełarusi składaje 7 dalaraŭ (amal 23 rubli), ale za jaki čas, nie ŭdakładnili. Dla pracy patrebna ruskaja mova, jakuju možna vučyć u Nacyjanalnym univiersitecie sučasnych moŭ.
Minimalny miesiačny zarobak u Biełarusi ciapier składaje 726 rubloŭ. Heta značyć pry 8-hadzinnym pracoŭnym dni i 20 pracoŭnych dniach u miesiacy minimalny zarobak u hadzinu budzie 4,5 rubla.
Biuro pa emihracyi i pracaŭładkavańni za miažoj Pakistana paviedamlaje pra nielehalnyja abjavy ab pracy ŭ Biełarusi, jakija ŭžo raspaŭsiudžvajucca ŭ krainie. Na sajcie biuro ŭ raździele sa śpisam vakansij za miažoj pakul niama nivodnaj prapanovy dla pracy ŭ Biełarusi.
Na pasiadžeńni Kamiteta taksama prapanavali spraścić praces vydačy viz u Biełaruś i Jeŭropu, paviedamlaje staršynia kamiteta ŭ sacsietcy X.
Miesiac tamu na sustrečy z premjeram Pakistana, jaki prylataŭ ź vizitam u Minsk, Łukašenka prapanavaŭ pryniać u Biełarusi 150 tysiač pakistancaŭ u jakaści pracoŭnaj siły. Hetyja płany vyklikali vielmi nieadnaznačnuju reakcyju ŭ hramadstvie, u vyniku čaho i sam Łukašenka, i jahonyja čynoŭniki dy prapahandysty musili vystupać z tłumačeńniami svaich namieraŭ.
Ci varta čakać napłyvu ŭ Biełaruś pakistanskich hastarbajtaraŭ?
Łukašenka: My chočam z Pakistana śpiecyjalistaŭ, a nie prosta moładź. I najpierš u Baranavičy
Navošta Łukašenku spatrebilisia 150 tysiač pakistancaŭ?
Što značyć pryjezd 150 tysiač mihrantaŭ z Pakistana ŭ Biełaruś: pohlad Ihara Tura
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ
Ci raście złačynnaść paśla pryjezdu imihrantaŭ? Pravieryli na prykładzie Polščy
Łukašenka apraŭdvajecca za ideju z pryjezdam 150 tysiač pakistancaŭ — heta, kab «zachavać naš narod»
U situacyi z pakistancami ŭłady stali zakładnikami svajoj ža prapahandy i svaich ideałahiem
Ciapier čytajuć
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich13
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1515
Kamientary