Chto toj nieadekvatny biełarus, jaki lasnuŭ dziciatka hałavoj ab padłohu ŭ maskoŭskim Šaramiećcievie
U kryvi Uładzimira Vicikava znajšli ślady narkotykaŭ.
Uładzimiru Vicikavu 31 hod. Jon rodam z pasiołka Novaja Huta ŭ Homielskim rajonie.
Skončyŭ tam škołu, a navučańnie va ŭniviersitecie nie skončyŭ. Niejki čas Uładzimir pracavaŭ u Čarnihaŭskaj vobłaści Ukrainy, a paśla pierajechaŭ u Biełharadskuju vobłaść Rasii.
Pracavaŭ na roznych rabočych śpiecyjalnaściach u roznych rehijonach Rasii. U internecie adšukvajecca, što Vicikaŭ pakidaŭ niekalki zajavak na mikrapazyki na roznyja sumy.
Siamji dy dziaciej va Uładzimira, miarkujučy pa ŭsim, niama, prynamsi, u jahonych sacsietkach niama nivodnaj uzhadki. U mužčyny niekalki staronak u sacsietkach, kantent u jakich: błatnyja pieśni, rep pra narkotyki, kryndžovyja miemy i fota z papojek. Z adnoj sa staronak vynikaje, što jon moža mieć sudzimaść — kantent tam adpaviedny.
23 červienia Vicikaŭ prylacieŭ ź Jehipta ŭ padmaskoŭny aeraport Šaramiećcieva.
Biez daj pryčyny Vicikaŭ padyšoŭ da paŭtarahadovaha dziciaci z Afhanistana, aščapieryŭ jaho i lasnuŭ hałavoj ab padłohu. U dziciatka paškodžanyja čerap i chrybiet. Dzicia špitalizavali, uviali ŭ miedykamientoznuju komu i niemaviedama, što ź im budzie.
Uładzimir Vicikaŭ byŭ u nieadekvatnym stanie, u jaho kryvi znajšli ślady narkotykaŭ.
Kali vy viedajecie pra štości bolš, padkazvajcie nam, na što źviarnuć uvahu, i pieradavajcie infarmacyju znutry Biełarusi praz sakretny čat u telehramie @nn_editor abo na mejł [email protected]. Abo ŭ Sihnał ci inšym sposabam tym z redaktaraŭ i žurnalistaŭ «NN», jakich viedajecie asabista.
Nastaśsia Kaściuhova pra pazicyju Statkieviča i Cichanoŭskaj: Prapanova «dacisnuć» hučyć jak prapanova jašče pačakać niezrazumieła čaho i jak doŭha3636
Kamientary