Ajatała Chamieniei tak i nie vyjšaŭ z bunkiera? Jaho niama na publicy ŭžo 25 dzion
Zvyčajna 86-hadovy Chamieniei nie prapuskaje važnyja relihijnyja cyrymonii, ale zaraz nie da taho.
Užo 25 dzion viarchoŭny lidar Irana ajatała Ali Chamieniei nie źjaŭlaŭsia na publicy. Za hety čas jon tolki dvojčy źviarnuŭsia da naroda pa videa — i heta pry tym, što zvyčajna Chamieniei nie prapuskaje važnyja relihijnyja cyrymonii.
U Iranie raspaŭsiudžvajucca roznyja čutki — pra surjoznuju chvarobu ajatały i navat jaho śmierć.
Ekśpierty, u svaju čarhu, schilajucca da taho, što Chamieniei prosta nie vychodzić z bunkiera.
Pa infarmacyi niamieckaha Bild, lidar Irana schavaŭsia ŭ padziemnym schoviščy nieŭzabavie paśla pačatku ŭdaraŭ Izraila pa iranskaj jadziernaj prahramie 13 červienia.
Kanflikt doŭžyŭsia 12 dzion. Zaraz dziejničaje časovaje pieramirje, uzhodnienaje pry pasiarednictvie Katara.
«Dvanaccacidzionnaja vajna faktyčna stała pačatkam postchamieniejeŭskaj epochi. U Iranie ŭžo šukajuć pierajemnika. U Chamieniei bolš niama fizičnych i psichałahičnych mahčymaściej vykonvać svaju rolu — i tak było z pačatku vajny», — zajaviŭ u razmovie z Bild iranski palitołah Ali Fatchała-Niedžad.
Ciapier čytajuć
Foty z Maskvy dajuć pabačyć Pucina i Łukašenku biez hrymu7
Kamientary