Італьянскі матацыкліст зрабіў сэлфі з медзведзянём. Пасля гэтага яго насмерць разарваў дарослы мядзведзь
«Як прыгожа. Ён набліжаецца да мяне», — зняў мужчына відэа незадоўга да гэтага.
У Румыніі мядзведзь насмерць разарваў матацыкліста пасля таго, як мужчына зрабіў сэлфі з яго дзіцем.
49-гадовы італьянскі турыст Амар Фаран Зін ехаў на матацыкле па Карпацкіх гарах у цэнтральным рэгіёне Арджэш, калі на яго напаў мядзведзь і пацягнуў яго цела ў яр, піша Daily Mail.
Усяго за дзень да трагічнага інцыдэнту матацыкліст апублікаваў у Facebook серыю фатаграфій буйнога мядзведзя, які стаіць вельмі блізка да Амара. Ён таксама падзяліўся сэлфі, на якім ён пазіруе з медзведзянём.
На асобным відэа, знятым Амарам, відаць, як ён едзе на матацыкле міма мядзведзя, які прымасціўся на абочыне дарогі. Чуваць, як ён кажа пра мядзведзя: «Як прыгожа. Ён набліжаецца да мяне».
Пра здарэнне паведамілі іншыя турысты. Амара нібыта бачылі, калі ён спрабаваў пакарміць мядзведзя ў раёне, дзе былі ўсталяваныя знакі аб забароне на гэта. Пасля паліцыя знайшла цела мужчыны.
Па даных італьянскіх СМІ, Амар, аматар падарожжаў, незадоўга да сваёй смерці працаваў у міланскім аэрапорце Мальпенса.
Цяпер чытаюць
«Звяжыцеся з намі»: Пракоп'еў напісаў калонку для «НН», у якой абгрунтоўвае знаходжанне Ціханоўскага ў Штатах і просіць грошай19
«Звяжыцеся з намі»: Пракоп'еў напісаў калонку для «НН», у якой абгрунтоўвае знаходжанне Ціханоўскага ў Штатах і просіць грошай
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі1515
Каментары
Ніколі не карміце мядзведзяў. Гэта вельмі безадказна.